A Minthang Kumpigam

A Minthang Kumpigam Lesson 8

Solomon Israel kumpi dinga hong dinkip khitciangin ma-ang sungah Topa hong kilang a, “Bang kong pai ding hiam?” ci in dong hi. Kumpite masa 3:5. Hih akhangno kumpipa in sum leh paai, nuntaak sauna, hauhna phatnate ngen thei hi, ahih hangin amah in tuate ngenlo hi. Ka mite ka uktheih nading pilna ci in ngen hi. Kiniamkhiatna tawh a thungetna Topa in dawnga, midangte khat beek in aneih ngeiloh ding a lamdang pilna pia hi. Tua thamlo iin anget lohpi iin, hauhna, liatna, minthanna, nuntaak saunate pia hi.

Kumpi Solomon uksung tengin Isreal gam sung khempeuh ah gal omlo iin, kilemna leh lungmuanna bek tawh kidim hi. “Kumpipa in Jerusalem ah suang bangin ngun olsak a, amah in shefelah theiba sing bangin taamtaak sing tam sak hi.”

Kumpite masa 10:27. Tua banah ahoih mahmah suang manpha namkim leh kham tawh kidim aa kizem Pasian biakinn pi khat zong lam aa, huan hoih mahmah tawh kium Kumpi inn lian mahmah khat zong lam lai hi. Khuapi sung khempeuh inn hoih nono leh sakol galkap tampite leh sakol leng tawh zong kidim sak hi. Gamsung khuaneu khempeuh zong, paak hoih nono te leh, singkung hoih mahmahte tawh zem kawikawi hi. Leitung mun khempeuh panin kumpite, mang liante, mi haute, mi pilte, khempeuh Solomon kiangah hong zin uh aa, letsong tampi zong hong puak uh hi. A maute in Solomon lungsim sunga, Pasian in apiak a lamdang pilnate zanuam a hong paite uh ahihi (Kumpite masa 10:24).

Tua hong zinte lakah khat bang, ahau mahmah, amel hoih mahmah gamlapi aom Sheba kumpinu ahihi. Israel kumpipa pilna, minthanna, liatnate mite gen bek tawh lungkim lo iin, amahmah in muh teekteek sawm aa hong zin ahihi. Sheba kumpinu in Solomon tungah dotna haksa thu tampi tak donga, tuate khempeuh baihlam tak leh kitel takin Solomon in avekpi iin dawng khin thei hi. Kumpinu in a-etna khempeuh lungmang liangin lamdang sa mahmah hi. Ahih hangin, tua zahta aa genbaang omlo zah aa, ahoih Isreal gam pen, nang adinga Pasian in hong bawl sak gam tawh teh leng, siakmit tan zong ban nailo hi.
1. Zeisu in Ama mite bang kamciam pia hiam?

1. Zeisu in Ama mite bang kamciam pia hiam?


Johan 14:2. Note' omna ding mun a __________ dingin a pai ding ka hi hi. Ka Pa' innsungah omna ding mun tampi om hi. A omlo ding hi leh hih bangin thu ka hong gen kei ding hi.

Dawnna:  ____________________

2. Zeisu’ bawlkholna mun bang dan cih i thei hiam?

2. Zeisu’ bawlkholna mun bang dan cih i thei hiam?


Isaiah 65:17. Tu-in vantung thakte leh leitung thak ka piangsak hi. A beisa thute kiciamteh nawnlo ding a, kiphawkkha nawnlo ding hi.

Hebru 11:16. Ahi zongin amaute' lunggulh pen leitung sangin a hoihzaw vantung gam ahi hi. Pasian in amaute-a' dingin khuapi khat na __________ ahih manin, tua bang mite in amah pen ka Pasian uh hi, ci-in a gen ding uh Pasian in maizumna-in na ngaihsunlo hi.

Matthai 5:5. A lungnem mite in Pasian' ciamsa leitang ngah ding uh ahih manin thupha ngah mi ahi uh hi.

Isaiah 65:21. Amaute in inn lam ding uh a, a sungah teng ding uh hi. Amaute in leenggui lo bawl ding uh a, a gah ne ding uh hi.

Dawnna:  ____________________

Phawk Ding:

  Lamdang si! Pasian in a mite adingin van thak, lei thak, khuapi thak bawlkholh sak khin hi. Mi dikte in Zeisu in abawl tua khuapi sungah inn lian mahmah te luah ding uh a (John 14: 2), beklo in lei thak ah amau leh amau in zong a hoih mahmah inn a lamtawm ding uh hi (Isaiah 65: 21).

3. Khuapi siangtho thu itheih beh bang omlai hiam?

3. Khuapi siangtho thu itheih beh bang omlai hiam?


Maangmuhna 21:16. Tua khuapi a pang kikim linlian a, a dung a vai a kikim ahi hi. A ciang tawh khuapi a teh ciangin tai tul leh za nga bang pha a, a dung, a vai, leh a san'na kikim hi.

Maangmuhna 21:2. Mothak khat a pasal tawh a kituah dingin a __________ bangin vantung Pasian kiang panin Khuapi Siangtho ahi Jerusalem khua thak a hong paisuk ka mu hi.

Maangmuhna 21:10, 12. Tua laitakin Kha Siangtho tawh ka kidim a, tua vantung mi in mual sang mahmah khat dawnah hong paipih hi. Vantung Pasian kiang panin a hong paisuk Khuapi Siangtho ahi Jerusalem khua a hong lak hi. ... A kulh sahin sang mahmah a, kulhkongpi sawmlenih nei-in, a kongpite-ah vantung mi sawmlenih om a, a kulhkongpite tungah Israel minam sawmlenihte' min kigelh hi.

Maangmuhna 21:18. A kulhpi dingin jasper suangmanpha kiciang a, a khuasung pen kham citak tawh a kibawl hi a, limlang bangin siang kilkel hi.

Maangmuhna 21:21. A kongpi sawmlenihte kep sawmlenih tawh a kibawl hi a, kongpi khat ciangin kep sabit khat ahi hi. A khuapi sung lampite kham citak vive hi a, limlang bangin a sung kimu paisuak thei hi.

Dawnna:  ____________________

Phawk Ding:

  Khuapi siangtho pen adung avai kikim iin, a kiim pen furlong 12,000 ahih kei leh tai 1, 500 hi. Vantung panin lei thak ah hong tuaksuk iin tu-a Olive Mual ah hong kinga ding hi (Zechariah 14: 4). A kong 12 te suang manpha khatciat tawh kibawl hi iin (Mangmuhna 21: 21), tua khuapi’ jasper kulhte cubit 144 (Mangmuhna 21: 17) ahih kei leh pi 216 zai hi (cubit 1 in letmat 18).

4.  Laisiangtho in khuapi ii tui leh nek leh dawn thu bang hong ci gen hiam?

4. Laisiangtho in khuapi ii tui leh nek leh dawn thu bang hong ci gen hiam?


Mangmuhna 22:1. Tua ciangin vantung mi in Pasian leh Tuuno tokhom panin a hong luangkhia, kristal suangmanpha bangin a te selsel gun tui hong lak a,

Mangmuhna 22:2. khuapi sung lampi laizangah a luang hi. Tua gun pang tuakah __________ singkung po a, kha simin gah ahih manin kum khat sungin sawmlenih vei a gah hi. A tehte zong natna damna ding zatui-in kizang hi.

Dawnna:  ____________________

Phawk Ding:

  Pasian tokhom panin akang ngeilo asiang gun tui luangkhia a, kha sim in nuntaakna singkung in gah nam tuamtuam a gah den hi. Hih a lamdang singgah leh a teh te in sih theihlohna pia a, nuntaak tawntung na a hawm hi. Pasian’ mi siangthote in zong a inn ua a ciin uh ante a ne lai ding uh hi (Isaiah 65:21). Pasian’ mite’ nek ding an pen mawhna tun ma aa an – singgah, buhte leh singgah sunga om a tang te hi ding hi (Piancil 1:29, 31). Lim cihtak iin lim dinga, pumpi adingin zong hoih mahmah ding hi.

5. Vantung aa nuntaak pen hih leitung aa nuntaak tawh bangci kilamdan ding hiam?

5. Vantung aa nuntaak pen hih leitung aa nuntaak tawh bangci kilamdan ding hiam?


Isaiah 35:5-6. Tua ciangin mittawte' mit kihong ding a, bilngongte' bil kihong ding hi. Tua ciangin khebai mipa diangin lam ding a, a pau theilo mipa in __________in la sa ding hi. Bang hang hiam cih leh gamlakah tui hong phulkhia ding a, sehnel gamsungah luitui hong luang ding hi.

Isaiah 65:25. Keivom leh tuuno in an nekhawm ding uh a, humpinelkai in bawngtal bangin buhkung ne ding hi. Leivui pen gulpi' an hita ding a, mite hong tu nawnlo ding hi. Keima mual siangtho tung tengah amaute kiliamsaklo ding uh a, kisusialo ding uh hi, Topa in ci hi,” a ci hi.

Isaiah 11:6. Keivom pen tuuno tawh omkhawm ding a, kamkei gialbem pen keelno tawh lumkhawm ding hi. Bawngno leh humpinelkai leh ganhing thaute omkhawm ding uh a, naupangno khat nangawn in tuate hawlzo ding hi.

Isaiah 35:1. Gamlak leh lei keuna gam __________ ding a, sehnel gam __________in palhkhia ding hi. Unok pak bangin

Isaiah 33:24. I gamah a teng mite kuamah in, “Ka ci na hi,” ci nawnlo ding uh a, mawhna khempeuh kimaisak ding hi.

Maangmuhna 21:4. Amaute' mit panin khitui khempeuh nulsak ding hi. Thu luisate maimang khinta ahih manin sihna, dahna, leh na sa-a kahna cihte om nawnlo ding hi,” a ci hi.

Dawnna:  ____________________

6. Misiangthote pumpi bangcibang pumpi hi ding hiam?

6. Misiangthote pumpi bangcibang pumpi hi ding hiam?


Filippi 3:20, 21. Ahi zongin eite ihih leh vantung gam mite ihi a, vantung panin a hong pai ding Topa Jesuh Khrih, eite' Honpa, lawptakin a ngakte ihi hi. Amah in na khempeuh ama khutnuai-ah koihna-in a zat __________ mah tawh a ginalo i leitung pumpi pen ama-a' mah bangin a minthang pumpi tawh hong kheelsak ding hi.

Dawnna:  ____________________

7. Zeisu in kha hiam or Pumpi taktak hiam?

7. Zeisu in kha hiam or Pumpi taktak hiam?


Luka 24:39. Ka khut leh ka khete en un; keimahmah ka hi hi. Hong __________ un la hong thei un. Tu-a keima neih bangin sikha in pum leh tak nei ahi hiam?” a cih khit ciangin

Dawnna:  ____________________

Phawk Ding:

  Thawhkik khitcianga Zeisu’ pumpi pen na khut tawh na khoih, na lawn theih guh leh sa mah ahihi. A kiang uh ah hong kilat vat ciangin nungzuite in sikha sa uh a, ahih hangin a lawn khit uh leh a annek a muh khit uh teh (Luke 24:40 – 43), Amah taktak hi ci a thei uh hi. Ni sawmli khit ciangin, Zeisu in Bethany pan pai khiat pih a, van a kah hi (Luke 24:50,51). Nungzuite kiangah vantungmite in “Note kiang pan vantungah kilato Zeisu [guh leh taang a nei]... vantungah a pai na muh uh bangin khat vei hong kumsuk kik ding hi,” a ci hi (Sawltaakte 1:11). Mihing hong suah a kipanin Zeisu in mihingte tawh a tawntung in kizom den a, Pasian zong hi ve ve hi.

8. Adang hansuahna hong khap bang omlai hiam?

8. Adang hansuahna hong khap bang omlai hiam?


Sawltak Tangthu 3:19-21. Tua ahih ciangin na mawhnate uh hong sawpsiangsak theihna ding, Topa kiang panin a hong pai lungsim nopna hun na ngah theihna ding uh leh note-a' dingin a sehsa __________ Khrih a hong sawltheihna dingin na mawhna uh kisik un la, Pasian kiang zuan un. 21Pasian in ama kamsang mi siangthote tung tawnin tanglai-in a genkholhsa bangin, na khempeuh a thakin a kibawl hundong mateng vantungah __________ a om ding ahi hi.

Dawnna:  ____________________

Phawk Ding:

  Pasian kiphat hen, mawhna ong lutna hanga a omlo na hoih khempeuh Pasian’ kumpi gam thak ah kikoih kik ding hi. Mi khempeuh in khat leh khat it takpi, muang takpi in kihuh diamdiam ding uh hi. Tua hangin, ngong gamtatnate om nawnlo dinga (Isaiah 60:18), lehheekna, zatkhialhna, cihtak lohna, thumaan lohna, gensiatna, lungmuan lohna, dahna, lauhuaina, lungkim lohna, lungkhamnate zong om nawnlo ding hi. Nuamna om iin, lungdamna, lungkimna om iin, nuntaakna nop tawntung hi ding hi.

9. Vantung ih tun ciangin hih leitunga gimnate ih phawk lai diam?

9. Vantung ih tun ciangin hih leitunga gimnate ih phawk lai diam?


Isaiah 65:17. Tu-in vantung thakte leh leitung thak ka piangsak hi. A beisa thute __________ nawnlo ding a, kiphawkkha nawnlo ding hi.

Dawnna:  ____________________

Phawk Ding:

  “Kiciamteh” cih pen “ngaihsut in nei” cih tawh ki tel zaw hi. A mi siangthote kiangah leitunga dahnate in vantungah dahsak nawnlo ding hi ci a Topa in a khapna ahi hi.

10. Leitung mite in vantungah khat leh khat a kithei lai ding uh hiam?

10. Leitung mite in vantungah khat leh khat a kithei lai ding uh hiam?


Korin Masa 13:12. Dal limlang sunga et bangin tu laitakin a kitel phaloin i mu milmial a, ahi zongin __________ maitang kituahin i mu ding hi. Tu laitakin i theihnate kicinglo a, ahi zongin __________ Pasian in eite hong theih mah bangin a kicing takin amah i thei ding hi.

Dawnna:  ____________________

Phawk Ding:

  Ih mel om zia, ih pai zia, ih om zia, ih awsuahte tawh khat leh khat kitel mahmah ding hi. Khat leh khat kitheihtheihna vantungah hoih zaw tham lai ding hi. Vantung pen a lamdang mahmah innkuan kigawm kikna mun hi ding hi.

11. Hong tung ding Ama kumpi gam tawh kisai iin a lawphuai kamciam dang bang hong pia lai hiam?

11. Hong tung ding Ama kumpi gam tawh kisai iin a lawphuai kamciam dang bang hong pia lai hiam?


Isaiah 35:10. Topa' hotkhiatsa mite hong ciahkikin, lungdam tawntungna mai pua-in la sa kawmin Jerusalem-ah hong tung ding uh hi. Amaute in lungdamna leh kipakna ngah ding uh a, dahna leh khuisatna om nawnlo ding hi.

Psalm 16:11. __________h in nuntakna lampi keimah nong lak hi. __________ omna munah lungdamna lianpi om a, __________ taklamah nop tawntungnate a om hi.

Zechariah 8:5. Kongzing khempeuhah numei naupang kimawlin phezaizai ding uh hi.

Isaiah 40:31. Ahih hangin Topa a muang mite a tha uh dimkik ding a, muvanlai bangin kha tawh leengto-in, amaute tai napi-un tawllo ding uh a, amaute lam pai napi-un gimlo ding uh hi.

Dawnna:  ____________________

Phawk Ding:

  Mi siangthote vantungmite bangin khuavak hatzah sangin a manlang zaw iin leeng thei ding uhi. Na khempeuh a luah manun (Mangmuhna 21:7), leitung dangte ah hawh thei ding uha tawmvei cik sungin tung ziau ding uh hi. Laisiangtho tungtawnin, Pasian in a puklo leitung dang nei hi (Job 1:6; Hebru 1:2; 11:3).

12. Pasian’ kumpigam thak kam tawh ih genzo diam?

12. Pasian’ kumpigam thak kam tawh ih genzo diam?


Korin Masa 2:9. Tua ahih manin Lai Siangtho sungah, “Kuamah in a muh ngeiloh, a zak ngeiloh, __________ dingin zong a ngaihsutloh uh thu pen Pasian in amah a it mite-a' dingin a bawlkholh saksa ahi hi,” ci-in na kigelh hi.

Dawnna:  ____________________

Phawk Ding:

  Tu-a ih om daan in nang leh kei in Pasian in a tate adingin abawlsak a lamdang nate ih ngaihsun thei nai kei hi. Vantung ii lamdang lungnopna, nopsakna lianpite kam ahi zong, ngaihsutna ahi zong, ma-ang in ahi zong bangmah in kingaihsun theilo hi. Leitungah bangbang ih thuak zongin vantung tunciang leitung buainate phawk thamlo ding hi (Romans 8:18).

13. Pasian’ kumpigam thak ah akingah alian pen in bang hiam?

13. Pasian’ kumpigam thak ah akingah alian pen in bang hiam?


Mangmuhna 21:3. Tokhom panin nakpi takin awging khat ka za a, “Tu-in Pasian omna inn pen mite tawh omkhawm ta hi. Pasian in __________ ompih ding a, __________ pen ama mite hi ding uh hi. Pasian mahmah __________ tawh omkhawm ding a, amah pen __________' Pasian hi ding hi.

Dawnna:  ____________________

Phawk Ding:

  Um inla, lamdang sa in! Pasian in lei thak ah A mite tawh teeng khawm ding hi. Nuamna leh vangliatna aneihte uh bangmah tawh tehpih theih omlo hi.

14. Vantung ah kuate tunglo ding uh hiam?

14. Vantung ah kuate tunglo ding uh hiam?


Mangmuhna 21:27. Ahi zongin a sianglo, a hoihloin a gamta mi, zuau a gen mite kuamah lut theilo ding uh a, a nungta mite a kigelhna Tuuno laibu sungah a min a omte bek tua khuapi sungah lutthei ding uh hi.

Mangmuhna 21:7. A __________ mi khempeuh in kei tung panin a ngahding thu in: Kei pen amaute' Pasian ka hi ding a, amaute keima ta ahi ding uh hi.

Dawnna:  ____________________

Phawk Ding:

  Mawhna in niin ahih manin vantungah kiphallo hi. Tua hikei leh langdona kipankik kha ding hi. ( Behlapna en in “Pasian’ Kumpigam”)

15. Mawhna tawh kibangci pelh thei ding ka hi hiam?

15. Mawhna tawh kibangci pelh thei ding ka hi hiam?


Johan Masa 1:9. Ahi zongin Pasian kiangah i mawhnate va pulak lehang, amah citakin thuman ahih manin, i mawhnate hong maisakin i __________ khempeuh hong siangsak ding hi.

Dawnna:  ____________________

Phawk Ding:

  Zeisu kiangah mawhmaina ka nget ciangin, hong maisak iin hong sawp siang a, A ta hong hisak hi.

16. Tu leh mailam ih nuntaakna ah ih gualzawh nadingin Zeisu in bang hong gen hiam?

16. Tu leh mailam ih nuntaakna ah ih gualzawh nadingin Zeisu in bang hong gen hiam?


Matthai 6:33. Thudang khempeuh sangin Pasian' ukna leh ama deihna na zuih theihna ding uh thupi ngaihsut __________ un. Tua hi leh hih na kisapna dangte khempeuh uh zong hong piathuah veve ding hi.

Dawnna:  ____________________

Phawk Ding:

  Pasian in Solomon kiangah “Bang deih na hiam?” a cih ciangin Solomon in tua banglian iin na dawng hi. A ngaihsut masak pen Pasian’ gam leh Ama dikna ading ahihi. Tua manin alamdang kumpigam ii thupha in zui hi. En zong Pasian’ gam ih zon masak leh ei zong hong pia ding hi.

17. Pasian in leitung thu khempeuh uk hicih thei iin, na nuntaakna Amah na uksak nuam hiam?

17. Pasian in leitung thu khempeuh uk hicih thei iin, na nuntaakna Amah na uksak nuam hiam?




Dawnna:  ____________________


Hilhcianna

Pasian’ Kumpigam
Laisiangtho pen, kumpigam nih kidonate – Pasian kumpigam leh Satan kumpigam – kigelhna mun ahi hi. Zeisu in a thugennate khempeuh ah Pasian kumpigam bulphuh iin hong hilh den hi. Laisiangtho Thak bek ah zong Pasian kumpigam genna mun 100 val om a, tampitak Zeisu thugentehna ah om hi. A thugentehnate pan iin Pasian vantung gam pen nam nih ---- khalam leh leitung lam iin kikhen hicih ih thei hi.

Khalam kumpigam ahi, vantung Pasian tokhom ngakna mun pen, amaute lungsim sungah guan hi. Mi khat akikhel ma-in alungsim sungah Satan in tokhom la hi. Ahih hangin, Zeisu um iin hong gupna leh hongmaisakna ihsan ciangin, tua Satan tokhom pen kilakhia hi. “Na ci leh sa lunggulhna nazuih loh nadingin, na pumpi mawhna tawh ki-uksak kei in... Tua hileh mawhna in nang hong zolo dinghi.” Roman 6:12, 14. “Ahih hangin Pasian khutme tawh dawite hawlkhia kahih leh, note tungah Pasian gam hong tun nadingin lunghihmawh nading omlo hi.” Luke 11:20.

Zeisu honpa gumpa aa nasan khitphet iin, khalam Pasian kumpigam mi na suakthei pah hi. Tua man mahin Zeisu leh tuiphumpa John in thu ahilh laite un, mi honpite kiangah na mawhnate uh pulaak iin kisikkik un, “Pasian gam hong nai zo hi” ci-in thuhilh uh hi (Matthew 3:2; 4:17). “Naizo hi” cih khiatna in tun zong kingahthei pah cihna hi.Tua man mahin Zeisu in agen iin ah, “Vantung gam pen mite ngaihsut bangin hong pai lo hi: amaute in hihlai ah, hualai ah; cihbang hilo in, Pasian gam note sungah aom hi.” Luke 17:20, 21. Mihing khat hong kituiphumkhit phet iin, Satan kumpigam khuamial in nusia iin khuavak Pasian kumpigam in hong luah pah hi.

Zeisu azui thumaan mite khempeuh in, khalam Pasian kumpigam palai (kusale)te hipah hi. Gam khat aiawh aa om(ambassadors)te khempeuh in, amau gam sunga kizang kampau tuam, puansilh tuam, annek tuam, sum tuam, gamtat khuaheek tuam, nei ciat uh hi. Tua bang mah iin Christian aiawhte khempeuh in, ih neek, ih dawn, ih silh, ih ten, gamtat khuaheek, ih paudan, ih hunte leh ih sum ih paite zatna ah pilvang tak aa kidop kikep ding ahihi.

Khatvei ni ciangin, tu aa ih kikup Pasian kumpigam pen, ih taksa pumpi mahmah tawh luah takpi ding hihang. Hih kumpigam pen, ih lunggulh mahmah Topa thungetna a ih nget detna mun, “Na gam hong piang tahen” Mate 6:10 ahi hi. Pasian kumpigam pen ih taksa mahmah tawh, kum 1000 man khitciangin, Mangmuhna 20 sunga hong gen bangin thukhenna leh kidona lian hong man ciangin, ngah takpi ding hihang!