Kumtul Mi

Kumtul MiLesson 1

Babylon kumpi gam pen, hauhna leh nopsakna tawh akidim lai takin, Nebuchadnezzarin alupna tung panin thu ngaihsun hi. Bang tanvei hih ka kumpi gam kip dinga, kei sih khitciangin bang suak ding hiam? ci-in ngaihsun hi.

Tua banga alungngaih laitakin, kumpipa mengme kha hi. Ama-ang sungah mel tuamtuam tawh akizem ataang mahmah milimpi khat mu hi. Tua amuh milimpi tawh kibang khat vei beek mu ngei nailo hi. Kumpipa akhanlawh ciangin thakhatthu-in alupna pan diangkhia a, amah acingte kiangah hih bangin gen hi: “Manlang takin mitphial bawltheite mipilte, aksi lam siamte hong sam un, ka ma-ang hong khiatsak thei kha ding uh hi,” ci hi.

Kumpipa’ mipilte khempeuh manlang takin alungkham mahmah Kumpipa mai ah hong kikhawm uh hi. "Ma-ang lamdang mahmah khat ka nei-a, akhiatna ka thei nuam pha mahmah hi, ci hi.” Daniel 2:3. Kamsaang kisiamsak khat in dawngin, "Na ma-ang hong gen lecin akhiatna ka hong gen thei ding hi.”ci hi. Ahih hangin Kumpipa in ka ma-ang bang hiam ka thei nawn kei hi tua ahih ciangin ka ma-ang leh akhiatna hong gen un, nong gen theih uh leh letsong tampi kong pia ding hi, aci hi.

Hih Babylon mipilte in Pasian kiang pan-a thu thei bangin kibawl uha, ahih hangin Kumpipa in a-up nawn phat loh nading hong kipanta hi. Hih mun lian ah atheih taktak uh leh taktak loh uh hong kitel nading hita hi. Kumpipa in a sawltaakte kiangah gensak a, Ka ma-ang leh akhiatna hong gen un, nong gen theih uh leh letsong tampi kongpia ding hi. Nong gen theih kei uh leh na sa uh kong semnen dinga na innte uh nin kholna mun ka suaksak ding hi, aci hi.

Mitphial bawltheite leh aksi lam siamte in, ki-im thei nawnlo-in Kumpipa ma-ang theih phot lo-in, akhiatna agen theih het lohna uh siangtakin hong pulak ta uh hi. Tua ciangin Kumpipa heh mahmah a, Babylon mipil teng khempeuh thah khit dingin thupia hi. Ahih hangin tua ma-ang sunga agol mahmah Kumtul Mi ii thu agen thei ding leh akhiatna akhia thei ding Pasian in Babylon mipilte lakah mi khat nei hi.
1. Banghang Pasian in Babylon kumpipa hih ma-ang mansak hiam?

1. Banghang Pasian in Babylon kumpipa hih ma-ang mansak hiam?


Daniel 2:28 Ahih hangin __________ a lak thei vantungah Pasian khat a om hi. Amah in mailamah bang thu hong piang ding cih nangmah Nebukhadnezzar kumpipa tungah a hong hilhzo hi.

Dawnna:  ____________________

Phawk Ding:

  Hih nam tampi akigawm milimpi in mailam kum 1000 lom te sungah bang hong piang dinga, kumpi khat khit kumpi khat hong pian nading lam Pasian in Ama mite hong thei sak hi.

2. Kumpipa mipilte in ma-ang leh akhiatna atheih loh uh ciangin Kumpipa in bang thupia hiam?

2. Kumpipa mipilte in ma-ang leh akhiatna atheih loh uh ciangin Kumpipa in bang thupia hiam?


Daniel 2:12. Tua thu hangin kumpipa heh mahmah a, Babylon sunga kumpi' thudot mipilte khempeuh __________ khit dingin thu a pia hi.

Dawnna:  ____________________

Phawk Ding:

  Aksi lam siamte leh mitphial bawlte in nalamdang bawl theih nadingin vangliatna nei bangin kibawl uh hi. Ahih hangin ma-ang leh akhiatna hong gen theih loh uh ciangin a zuauphuakte, mi khemte ahih na uh hong kilang hi. Kumpipa in a ma-ang gen thei hi zen leh, amau ut bangin akhiatna gen sawm uh hi. Hehna tawh kumpipa in mipil teng khempeuh aom lote nangawn thah khit ma-ang dingin thu hong pia hi. Tua aom lote lakah, sila ahi Pasian akihta kumpi nasem dinga kisincil Daniel aom hi.

3. Thah khit ding thu Daniel in a theih ciangin, kumpipa kiangah bang ngen a, alawmte kiangah bang gen hiam?

3. Thah khit ding thu Daniel in a theih ciangin, kumpipa kiangah bang ngen a, alawmte kiangah bang gen hiam?


Daniel 2:16. Tua ciangin kumpipa kiangah Daniel pai a, a mangmat a __________ a hilh theihna dingin hun tawmvei sung a kingak laina dingin phalna a ngen hi.

Daniel 2:17, 18. Tua ciangin Daniel a inn-ah ciah a, a thupiangteng khempeuh a lawmte Hananiah, Mishael, leh Azariah-te kiangah a ko hi. Amah in, vantung Pasian in eite hong hehpihin, tua thuthukpi genkhia thei-in, Babylon gam sunga mipil dangte tawh thahna i thuakkhawm lohna dingin thu i ngen ding hi, ci-in a gen hi.

Dawnna:  ____________________

Phawk Ding:

  Daniel in Kumpipa kiangah, hun tawmkha apiak nadingin ngen a, ma-ang leh akhiatna ka hong gen ding hi ci hi. Kumpipa in ama-ang thei nuam lua ahih manin Daniel ngetna a zak ciangin lungdam mahmah hi. Tua ciangin alawmte tawh na khempeuh athei apiangsak vantung Pasian kiangah ma-ang leh akhiatna atheih nadingun thungen uh hi.

4. Pasian in Daniel tungah ma-ang leh akhiatna ahilh khitciangin, amah in kua tungah phatna pia hiam?

4. Pasian in Daniel tungah ma-ang leh akhiatna ahilh khitciangin, amah in kua tungah phatna pia hiam?


Daniel 2:23. Nang pen ka pu ka pate' __________ na hi a, ka hong phat a, ka hong zahtak hi. Nangmah in pilna leh thahatna na hong piazo hi. Ka thungetna nong za a, kumpipa kianga ka gen ding thu nong lakzo hi,” a ci hi.

Daniel 2:28. Ahih hangin thusim a lak thei vantungah __________ khat a om hi. Amah in mailamah bang thu hong piang ding cih nangmah Nebukhadnezzar kumpipa tungah a hong hilhzo hi.

Dawnna:  ____________________

Phawk Ding:

  Phawk Ding: Kumpi gam khat hong dinna leh hong puknate mihingte bawl tawh akibat hangin, Daniel thungetna ih theih ciangin, mihingte hang hilo zaw-in Pasian bawl hizaw hicih ih thei hi. Pasian in atheih khakloh leh aphalloh-a thupiang khat beek omlo hi. Khat veivei hih leitunga thupiangte banghang hiam cih ih tel loh tampi om-a, ahih hangin muanhuai taka ih theih thu khat in Pasian in na khempeuh uk hi cih ih thei hi. Daniel in kumpipa ma-ang leh akhiatna gen thei a, ahih hangin ama theihna hilo-in vantung Pasian kiang pan hicih limtakin gen hi.

5. Daniel gen Kumpipa in ama-ang sungah amuh thu nam nih bang hiam?

5. Daniel gen Kumpipa in ama-ang sungah amuh thu nam nih bang hiam?


Daniel 2:31. Kumpipa aw, na mangin a te daldal __________ lian mahmah khat na mu a, kihtakhuai mahmahin na mai-ah a ding hi.

Daniel 2:34. Tua banga na et laitakin mualtung panin suangtumpi khat kuama khuklohin hong tuk a, sik leh tungman kigawm __________ khete dengtanin a kithehthang hi.

Dawnna:  ____________________

Phawk Ding:

  Amasa pen-in Kumpipa in anuai-a nam tampi kihel milim mu hi:
  1. A lutang kham.

  2. A awm ngun

  3. A gil leh aphei sumngo

  4. A khe kahpasik.

  5. AKheme te sik leh buan kihel
Tua laitakin kuama khuk loh suangtum hong tuksuk-in milimpi khe hong dengkha hi. Hih munah Kumpipa in kamka liangin lamdangsa-in akhiatna bang hong hitam maw ci-a kumpi tokhom pan-a angaih ding bel lamdangsak huai hilo hi. Daniel in Pasian hilh bangin a ma-ang khiatnate gen hi. Laisiangtho leh genkholhna thute gen nadingin amuanhuai pen leh ahoih pen in Laisiangtho amah leh amah ih kikhiatsak ding ahi hi.

6. Kham lutang khiatna bang ahi hiam?

6. Kham lutang khiatna bang ahi hiam?


Daniel 2:38 . Tua kham __________ pen nangmah na hi hi.

Dawnna:  ____________________

Phawk Ding:

  Kumpipa pen gam khat lutang ahi hi. Tua manin Nebuchadnezar pen Babylon gam cihna hi a, genkholhna kipatna hong suak pah hi. Babylon ukna pen 612-538 B.C. sawt-a a minthang pen leh alian pen hong hipah hi. Hih genkholhna kham lutang pen Nebuchadnezar hi a, Daniel hun pan hong kipan pah hi.

7. Babylon gam atawntungin akip mah ding hiam?

7. Babylon gam atawntungin akip mah ding hiam?


Daniel 2:39. Nang' khit ciangin nang' kumpi gam sangin a neuzaw kumpi gam __________ khat hong piang ding a, tua khit ciangin sumngo ahi kumpi gam a thumna in leitung khempeuh uk ding hi.

Dawnna:  ____________________

Phawk Ding:

  Babylon gam kip tawntung lo ding hi. Babylon sangin agina lo zaw gam khat in zogawp-in hong uk ding hi. Ngun in kham sangin mantawm zaw napi asak zawk mah bangin, Babylon nopsakna susia dingin Cyrus kumpi makai-in, 539 B.C. kum in Medo-Persian te in Babylon simin hong zo uh hi. Medes leh Persian te in 539-331 B.C. hun ciangdong uk uh hi. Amau uk sung khempeuh siah apiak uh ciangin ngun tang bek zang uh hi.

8. Ngun kumpi ahi Medo-Persia khitciangin bang kumpi in hong zom hiam?

8. Ngun kumpi ahi Medo-Persia khitciangin bang kumpi in hong zom hiam?


Daniel 2:39. ... tua khit __________ ahi kumpi gam a thumna in leitung khempeuh uk ding hi.

Dawnna:  ____________________

Phawk Ding:

  B.C. 331 kum Arbela kidona ah Alexander the Great in Medes leh Persian te hong zawh ciangin, sumngo kumpi ahi Greece in hong uk hi. Sumngo kumpi ahi Greek in B.C. 331-168 kum dong uk hi. Greek galkapte pen sumngo galkapte kici hi, ahangin agal van khempeuh uh sumngo tawh kibawl ahih man hi. En lehang azo kumpi gamte limciing ahi ngunte sumngote mantawm zaw napi-in sak zaw-a, alel gamte manpha zaw napi nip zaw se cih pen atheih huai khat ahi hi.

9. Kumpi gam lina pen banglim tawh kilak hiam?

9. Kumpi gam lina pen banglim tawh kilak hiam?


Daniel 2:40. Tua khit ciangin kumpi gam lina hong piang __________ a, sik bangin a khauh __________ hi. Sik in na khempeuh satnenin a gawivui bangin, a masa kumpi gamteng khempeuh a sukham __________ hi.

Dawnna:  ____________________

Phawk Ding:

  Kahpasik kumpi Rome in B.C. 168 kum ciangin Greek kumpi hong zo hi. B.C. 168 pan A.D. 476 kum dong Rome in hong uk hi. Ostrogoths in amat masiah dong nuam takin hong uk suksuk hi. Zeisu hong suah hun laitakin zong Rome kumpi in uk lai hi. Khial hetlo ahi linlian-a kumtul tampi thupiang ding te Daniel in a genkholh theih lam na tel hiam? Babylon, Medo-Persia, Greece, leh Rome kumpite abanban-in hong pian suksuk ding lam Laisiangtho genkholhsa banglian-in hong piang suk takpi ahih lam leitung ta-angthu bu te tungtawnin zong ih theithei hi.

10. Roman Empire hong kiat khitciangin bang hong piang ding hiam?

10. Roman Empire hong kiat khitciangin bang hong piang ding hiam?


Daniel 2:41, 42 . A khepek leh a khemete khen khat sik leh khen khat tungman kigawm ahi na mu hi. Tua pen kumpi gam __________ ding hi, cihna ahi hi. Tungman leh sik kigawm ahih mah bangin sik bangin a hoih khopkhat ciang khauhna a nei ding hi. A khemete khenkhat sik hi a, a khenkhat tungman ahih mah bangin kumpi gam khenkhat thahatin khenkhat a thahat kei ding hi.

Dawnna:  ____________________

Phawk Ding:

  A.D. 476 Kum-a Rome kumpi gam a kiat zia pen, gamdang khat in zogawp cih bang hilo a, barbarian akici minamte in Daniel genkholh mah bangin Rome kumpi gam kikhenthaang sak uh ahi hi. Gam sawm-in khenkham uha tu-in Europe gam kici hi. Tua te in Ostrogoths, Visigoths, Franks,Vandals, Alemannians, Sueves, Anglo-Saxons , Heruls, Lombards, leh Burgundians te ahi hi. Tua te lakah gam sagihte in tu dongin kip lai uh hi. Gentehna iin, Anglo-Saxons pen English hi a, Franks pen French, Alemannians pen Germans, Lombards pen Italians , Sueves pen Swetzaland, Portugee, Spain, cihte ahi hi.

11.  Hih gam 10 te hong kigawm kik zo ding uh hiam?

11. Hih gam 10 te hong kigawm kik zo ding uh hiam?


Daniel 2:43. Sik leh tungman __________ na muh mah bangin tua kumpi gam ukte in __________ ding hanciamin zileta-in a kimat ding uh hi. Ahih hangin sik leh tungman a kimat theihloh mah bangin a __________ thei kei ding uh hi.

Dawnna:  ____________________

Phawk Ding:

  European gamte in zi leh ta-a akimatnate leh kilem nading thuciam bawl nate tawh kilem kik ding hong hanciam uh hi. Tua ahanciamte in: Charlemagne, Napoleon, Kaiser Wilhelm, Mussolini, leh Hitler te ahi hi. Euroean gam bup gawm kik ding nasia takin hong hanciam uha, ahih hangin Laisiangtho genkholhsa bangin hih zolo uh hi. Mangmuhna 13 sungah biakna tawh pumkhat suah nading hong hanciam ding uh cih siangtakin hong gena, Ahih hangin Daniel kamsangpa in cikmah hun in hih leitung gam ukna khat sungah om ngei hetlo ding hi a cihmah bangin hong piang ding hi.

12. Kumpi gam nunung kua in hong phut ding hiam?

12. Kumpi gam nunung kua in hong phut ding hiam?


Daniel 2:44. Tua kumpite a maan laitakun vantung __________ in a bei thei ngeilo ding kumpi gam a hong phut ding hi. Tua kumpi gam kuamah in zo zolo ding a, tua gam in gamdang khempeuhte zogawpin a kip tawntung ding hi.

Dawnna:  ____________________

Phawk Ding:

  A kiphut ding nunung pen kumpi gam in, Matthew 25:31-34 sunga agen vantung kumpi gam hong hi ding hi.

13. Tua suangtum in kumpi gam dangte bang cih hiam?

13. Tua suangtum in kumpi gam dangte bang cih hiam?


Daniel 2:34, 35. Tua banga na et laitakin mualtung panin suangtumpi khat kuama khuklohin hong tuk a, sik leh tungman kigawm milim khete __________ a kithehthang hi. Thakhatin sik, tungman, sumngo, ngun leh khamte kitamnen gawp a, khuakhal lai-a ansi zap bangin a lengmang hi. Huih in leen'mang khin ahih manin themkha beek a kimu nawn kei hi. Ahih hangin tua suangtum hong khangkhang a, mual cia hong pha-in leitung khempeuh a dim hi.

Dawnna:  ____________________

Phawk Ding:

  Kuama khuk loh suangtum in Pasian kumpi gam ahi hi. Leitung kumpi gam hilo hi (Mangmuhna 21:1) sunga agen vantung gam ahi hi. Zeisu hong pai kik ciangin hih leitung haltum dinga hong puahthak sakin atawntung Ama kumpi gam hong phut ding hi (Daniel 2:44). Zeisu hong pai kik ding bangzah takin lawp huai hiam? Pasian Tapa hong pai kik ciangin genkholhna thute khempeuh tangtunna hong hita ding hi.

Nebuchadnezar kumpipa in Jerusalem azawhgawp lai-in Pasian a zo bangin kingaihsun kha thei mah ding hi (Daniel 1:1, 2) ahih hangin asawt lo-in Pasian in na khempeuh uk ahih lam thei pan ding hi. Mihingte nuntaakna khempeuh ukpa in Pasian ahi hi. Ataktakin Amah in gal kidona ah gualzo ding hi. Babylon, Medo-Persia, Greece, Rome te leh gam 10 akikhen kumpite in Pasian neihsa sut-in azo bangin kibawlin Pasian mite bawlsia uh hi, ahih hangin Topa Zeisu hong pai kikna in amaute susia ma-ang ding hi. Pasian tungah ih lungdam hi. Amah in kidona lianpi a gualzo ding hi!

14. Daniel in ma-ang leh a khiatna teltakin agen khitciangin Nebuchadnezzar in Pasian tungah bang gen hiam?

14. Daniel in ma-ang leh a khiatna teltakin agen khitciangin Nebuchadnezzar in Pasian tungah bang gen hiam?


Daniel 2:47. Kumpipa in, “Hih thuthukpi hong genthei na hih manin na __________ pen thuthuk a lak, __________ khempeuh sung pan a lianpen, kumpite' tunga Topa ahi hi,” a ci hi.

Dawnna:  ____________________

Phawk Ding:

  Nebuchadnezzar kumpipa in Daniel biak Pasian in na khempeuh uk a, Babylon gam-a om milim pasian te khempeuh tungah om hi cih thei hi. Bang acih leh a ngaihsutna khel pak mawk hiam? Daniel leh alawmte in Pasian tungah acihtak manun Babylon gam-a sila te hi napi-in, Babylon gam maikaipi te suak uh hi (Daniel 2:48, 49). Pasian in amah a zahtaak mite zahtaakna a ngah sak hi (1 Samuel 2:30).


15. Pasian in hih leitungah ukna khempeuh Ama khut ah om hicih na theih khitciangin, nang nuntaakna zong hong uk leh na ut mah hiam?

DAWNNA:
Hilhcianna


Hilhcianna

Hih anuai-a te in telzawk nadingin hong huh ding hi.

Kham = Babylon
Kham lutangpen Babylon cihna hi a, leitung bup ahuzap avanglian gam hi B.C. 612-539 sung uk hi.

Ngun = Medo-Persia
Ngun awm pen Medo leh Persia kumpi cihna hi a leitung bupah a ukna kizel a B.C. 539-331 sung uk hi.

Sumngo = Greece
A phei sumngo pen Greece kumpi cihna hi, leitung a uk kumpi gam hi a B.C. 331-168 sung uk hi.

Kahpasik = Rome
Akhe kahpasik pen Rome kumpi cihna hi. Thuneihna tawh leitung mite nopna ah ahuzap kumpi gam hi a B.C. 168 pan A.D. 476 sung
uk hi.

Sik leh Buan = Akitam kham kumpi gam
Akhepeek pen sik leh buan kigawm hi a, akitamkham kumpi gam cihna hi-in sik leh buan akigawm theih ngeiloh mah bangin A.D. 476 pan kipan a thahat gam khat bek in leitung bup uk cih om nonlo a, Zeisu hong kumkik dong kikhen paisuak ding hi.

Suangtumpi = A tawntung Zeisu Kumpi gam, A Kammal, leh A Thukham.

Name:

Email:

Prayer Request:


Share a Prayer Request
Name:

Email:

Bible Question:


Ask a Bible Question


Back To Top