A Hong Pai Kumpipa

A Hong Pai KumpipaLesson 3

Hehpihna neilo Judah kumpinu Athaliah pen, anu Jezebel sangin nakpi takin gilo zawlai hi. Atapa Ahaziah asih khitciangin, kumpi gam aman ukpah a, ama dinmun laih thei dinga aup atuteng khempeuh that ma-ang pahpah hi. "Ahih hangin Ahaziah sanggamnu Jehosheba in Ahaziah tapa Joash pen Athaliah thah khak loh dingin selcip hi. Tua bangin akisel cipna Topa inn sungah kum guk sawt hi. Gam khempeuh ah Athaliah in ukna nei hi" 2 kumpite 11:2, 3.

Tua kum guk sung tengin khut sunga humzawh ding zah mi tawmcik bekin kumpipa tapa Topa inn sungah kisel hi cih thei bek uh hi. Siampipa Jehoiada in Joash pen ama ta bangin it-in, thuhilh iin pantah hi. Tua kum guk sung tengin Jehoiada in thungen iin, bangci bangin mipite muhna ah kumpi dingin ap ding ka hiam? ci-in gel hi. Atawpna ah Siampipa in mi muanhuai mahmah galkap mangpa kiangah Kumpipa Ahaziah tapa khat damlai ahihna genkhia hi. Amaute in thu-um mi khempeuh hong kikhop ding (Friday) nitaak dong ngak-in, Sabbath ni kikhawm-a hong pai te tungah kumpi dingin lak dingin khensat uh hi. Galkap a za-a sim tampi te umcihna munah Jehoiada in David tokhom tunga tu dingin kumpi lukhu khusakin hong paipih hi. Atuungin mihonpite in lamdang sa mahmah uh hi. Ahih hangin kumpi lukhu khu amuh uh ciangin, "khutbeng iin Pasian in Kumpipa kem tahen ci uh hi" 2 Kumpite 11:12.

Athaliah kumpinu in biakinn sunga pengkul tumna, gamlumna atheih ciangin manlang takin hong lut a, ama dinmuna laih pa kua hi ding hiam cih thei nuam in hong tai hi. Tua ni mahin amah leh anungzuite kithat a, Joash kumpi gam kipia hi. Laisiangtho in hong gena, David ta te khat in vantung biakinnpi sung pan pengkul te kitum-in a sawt lo-in hong kidawkkhia dinga migilote susia ma-angin Ama kumpi gam hong phut ding hi, ci hi.
1. Vantung biakinnpi sung pan a hong kilangh kuanta ding kumpipa in kua hiam?

1. Vantung biakinnpi sung pan a hong kilangh kuanta ding kumpipa in kua hiam?


Maangmuhna 14:14. Tua ciangin ka khuadak leh meiipi a bang a kang biakbuak om a, tua meiipi tungah mihing __________ a kibang khat tu-in, kham lukhu khu-in, a khutah phiaukawi hiam khat a tawi ka mu hi.

Dawnna:  ____________________

2. Zeisu hong pai kik ciang simtham takin hong pai ding hiam?

2. Zeisu hong pai kik ciang simtham takin hong pai ding hiam?


Thesalonika Masa 4:16 Pasian' thupiakna awging lianpi, vantung mi mangpa' thugenna, leh Pasian' __________ hong ging ding a, vantung panin Topa mahmah hong paisuk ding hi.

Jeremiah 25:30 “Tua ahih ciangin nangmah in amaute thu na va hilh ding a, hih bangin na va gen ding hi: ‘A sang vantung panin Topa hong hawk ding a, a ten'na a siangtho panin hong paukhia ding hi. Ama mite' langkhatah nasia takin hong hawkgawp ding a, leenggah cil mite bangin leitung mi khempeuhte a langpangin hong kiko ding hi.

Late 50:3 Eite' Pasian hong pai a, amah dai ommawk lo hi. Ama mai-ah mei husia om a, a kimkotah huihpi om hi.

Dawnna:  ____________________

Phawk Ding:

  Huihpi cihpen pingpei kizial bang cihna hi. Zeisu nih veina hong pai ding pen gamlum mahmah ding hicih kitel mahmah hi. Simtham-a hong pai ding hilo hi.

3. Zeisu hong pai kik ciangin muhtheih bang hong piang ding hiam?

3. Zeisu hong pai kik ciangin muhtheih bang hong piang ding hiam?


Mangmuhna 16:18. Tua ciangin khua hong phia-in, a ging lianpi hong om a, van hong gingin nakpi takin __________ hong ling hi. __________ling khempeuh lakah a husia pen ahih manin mihing a pian'zawh hihbang __________ling omngei nailo hi.

Dawnna:  ____________________

4. Zeisu hong pai kik ciangin kua tengin mu ding hiam?

4. Zeisu hong pai kik ciangin kua tengin mu ding hiam?


Matthai 24:30. Tua ciangin Mihing Tapa' lim vantungah hong kilang ding hi. Tua ciangin leitung __________ khempeuh dahin kap ding uh a, vangliatna leh minthan'na tawh meii lakah Mihing Tapa a hong pai a mu ding uh hi.

Maangmuhna 1:7. En un, amah hong paita ding a, meiipi tawh hong tonkhawm ding hi. Teipi tawh amah a sunte-a kipan mi khempeuh in a mu ding uh hi. Amah a hong pai ciangin leitung mi khempeuh lau-in a kap ding uh hi. Hih ka gen bangin hong piang takpi ding hi. Amen.

Dawnna:  ____________________

Phawk Ding:

  Hih pen theihkhialh ding hilo-a kitel mahmah hi. Migilote leh midikte ahinglai peuh mahin Zeisu hong pai kik mu ciat ding uh hi. Pasian mite kilaak simna, or “rapture” cihte Laisiangtho' hong hilhna omlo hi.

5. Zeisu meii tungtuanga hong pai ciang kuate tawh hiding hiam?

5. Zeisu meii tungtuanga hong pai ciang kuate tawh hiding hiam?


Matthai 25:31. Mihing Tapa a __________ mite tawh Kumpi-in hong paikhawm uh ciangin a kumpi tokhom tungah hong tu ding hi.

Dawnna:  ____________________

Phawk Ding:

  Hydrogen bomb puakkham a, atan’ mahmah bangin Topa hong pai kik ciangin taang ding hi. Zeisu' han ah a pai vantungmi khatbek ii vangtaangin, galkapte misi bangin om sak hi (Matthew 28:2-4). Vantungmite vangtaangin Zeisu nih veina hong pai ciangin mi khempeuh tan’ mahmah ding hi. Zeisu leh Pa vangliatna khempeuh tawh kigawm lai ding hi (Luke 9:26). Zeisu nih veina hong kumsuk ding pen khuaphelep in nisuahna lam pan phia-a nitumna dong atan’ mah bang hi ding hi (Matthew 24:27).

6. Zeisu hong pai na vangtaangin migilote bangcih ding hiam?

6. Zeisu hong pai na vangtaangin migilote bangcih ding hiam?


Thesalonika Nihna 2:8. A khamcippa a kilakkhiat khit ciangin A Gilopa hong kilang ding a, Topa Jesuh hong pai ciangin tua A Gilopa mutlum ding a, vanglian minthangin hong kilatna tawh a __________ ding hi.

Thesalonika Nihna 1:7, 8. tu-a gimna a thuak note leh kote tungah zong nopsakna hong pia ding hi. Vantung panin Topa Jesuh leh a vanglian a vantung mite, meikuang tawh hong kilat ciangin, 8Pasian a theilo mite, leh i Topa Jesuh tawh kisai Lungdamna Thu a umlo mite tungah gimna a tungsak ding hi.

Dawnna:  ____________________

7. Zeisu hong pai ciangin misiangtho a site hong bangci ding uh hiam?

7. Zeisu hong pai ciangin misiangtho a site hong bangci ding uh hiam?


Thesalonika Masa 4:16. Pasian' thupiakna awging lianpi, vantung mi mangpa' thugenna, leh Pasian' peengkul hong ging ding a, vantung panin Topa __________ hong paisuk ding hi.

Dawnna:  ____________________

8. A thokik misiangthote leh a hinglai misiangthote hong bangci ding uh hiam?

8. A thokik misiangthote leh a hinglai misiangthote hong bangci ding uh hiam?


Korin Masa 15:52, 53. Peengkul nunung hong gin' ciangin mitphiat kikal sungin i __________pak ding hi. Bang hang hiam cih leh peengkul hong gin' ciangin misite a sithei nawnlo dingin hong tho ding a, i vekpi-in i __________ ding hi. A muatthei pumpi pen a muattheilo pumpi-in hong __________ ding a, a sithei pumpi pen a sitheilo pumpi-in hong __________ ding hi.

Dawnna:  ____________________

Phawk Ding:

  Pasian simloh asitheilo khat beek omlo hi (1 Timothy 6:15,16). Ahih hangin Zeisu nih veina hong pai ciangin manpiak loh-in midikte tungah kipia ding hi. A pumpite uh zong kikhel-in, a sia theilo pumpi, Zeisu tawh kibang ding uh hi (Philippians 3:20, 21).

9. Kikheel khitciangin midikte tungah bang piang ding hiam?

9. Kikheel khitciangin midikte tungah bang piang ding hiam?


Thesalonika Masa 4:17. Tua ciangin tua hun laitakin a nungta lai eite pen vankim lai-ah Topa a dawn dingin amah a um a sisa mite tawh hong __________ ding a, Topa tawh i omkhawm tawntung ding hi, cihna ahi hi.

Dawnna:  ____________________

Phawk Ding:

  Pasian' misiangthote in huih lakah Topa mu ding uh hi. Nih veina hong pai ding pen vankim lai-ah hong kilangh dinga lei hong siik lo ding hi. Tua manin mi tampite up bangin hih leitungah hong vaklo ding hi.

10. Nih veina hong pai nading thu ah Zeisu in ih kidop ding bang hong genkhol hiam?

10. Nih veina hong pai nading thu ah Zeisu in ih kidop ding bang hong genkhol hiam?


Matthai 24:5. Bang hang hiam cih leh keimah a kineih mi tampi hong pai ding a, ‘Kei, Khrih ka hi hi,’ ci-in mi tampi tak __________ ding uh hi.

Matthai 24:24, 26. Bang hang hiam cih leh Khrih a kineihkhemte leh kamsang a kineihkhemte hong piang ding a, ahih zawh leh a teelsa mite nangawn a khemna dingun lim leh na lamdang lianpipi hong bawl ding uh hi. ... Tua ahih kei leh zong mite in, ‘Gamlakah Khrih om hi,’ hong cih leh zong va paikha kei un. ‘Innsungah Khrih bu hi,’ hong cih leh zong umkha kei un.

Dawnna:  ____________________

Phawk Ding:

  Satan, Zeisu kineih iin hih leitungah hong paisuk dinga, mi maktul tampite in um ding uh hi. Zeisu in hong kum kik ciangin hih leitung hong siklo dinga, vankim lai-ah hong khawl ding lam hong genkhol khin hi. Satan Zeisu kineih-in a vangtaang tawh hong kumsuk dinga mi atamzaw khem zo ding hi.

11. Khemna ding pan midikte bangin kem ding hiam?

11. Khemna ding pan midikte bangin kem ding hiam?


Isaiah 8:20. Tua ciangin note in, “ Topa in note hong hilh __________ ngai un. Aisante' thu ngai kei un. Amaute' hong gen __________ a kiman'na omlo hi,” ci-in dawng un.

Dawnna:  ____________________

Phawk Ding:

  Sawltaakte 17:11 sunga te mah bangin Zeisu hong koici pai ding cih Pasian mite in Pasian Kammal kantel uh ahihman un kikhem zolo ding hi. Laisiangtho sunga gen bang ahilo khempeuh pen, zuaupi ahi hi. Tua manin theikhol-a ih nial ding Zeisu in hong gen hi. Matthew 24:25 En un, tua thu kong genkhol zo hi.

12. Khrist zuau va en lelleng a poi ding diam?

12. Khrist zuau va en lelleng a poi ding diam?


Matthai 24:26. Tua ahih kei leh zong mite in, ‘Gamlakah Khrih om hi,’ hong cih leh zong va paikha kei un. ‘Innsungah Khrih bu hi,’ hong cih leh zong __________ kei un.

Dawnna:  ____________________

13. Zeisu hong kum kik ding hun ih theihtheih bang om hiam?

13. Zeisu hong kum kik ding hun ih theihtheih bang om hiam?


Matthai 24:33. Tua mah bangin hih ka thugente khempeuh na muh uh ciangin Mihing Tapa hong tun'ding hun hong nai __________ ta hi, ci-in na thei un.

Dawnna:  ____________________

Phawk Ding:

  Pasian bekin nih veina hong pai ding thei hi. A hun ding ciangtanna khempeuh in Laisiangtho tawh kituaklo hi. Ahih hangin Zeisu in lim leh nalamdangte hong pian ciangin (Matthew 24:4-51; Luke 21:8-33; 2 Timothy 3:1-8) Mihing Tapa kong biang dongin hong nai zo hicih thei un ci hi.

14. Zeisu hong pai kik ciang vantungmite in bang hih ding uh?

14. Zeisu hong pai kik ciang vantungmite in bang hih ding uh?


Matthai 24:31. Nakpi takin peengkul hong ging ding a, leitung mun khempeuhah a vantung mite hong paisakin, leimong khat pan mong khatdongin, a teelsa mite a __________ ding hi.

Answer:  ____________________

Phawk Ding:

  (Matthew 18:10) Zeisu hong kum kik ciang nang hong muak masa penpen ding nang hong cing vantungmi hikha ding hi. Bangzah in thupha hi hiam! Laisiangtho in Zeisu hong pai kikna pen “lametna thupha” (Titus 2:13) acih a lamdang hilo hi!

15. Zeisu hong pai madeuh-a nungtate ihhih manin, bangci bangin nungta ding ih hiam?

15. Zeisu hong pai madeuh-a nungtate ihhih manin, bangci bangin nungta ding ih hiam?


Matthai 24:44. Tua ahih manin Mihing Tapa zong, note' __________ hun laitakin hong pai ding ahih manin note zong na kiging tawntung ta un.

Dawnna:  ____________________

16. Zeisu hong kum ciang mite koi bangin thaman kipia ding?

16. Zeisu hong kum ciang mite koi bangin thaman kipia ding?


Maangmuhna 22:12. Tua ciangin Jesuh in, “Kei ka hong pai baihta ding a, mi khempeuh a __________ uh tawh kizui-in a thaman ding uh ka hong puak ding hi.

Dawnna:  ____________________

Phawk Ding:

  Hehpihna tawh gupna kingah ding hi, ahih hangin thaman pen gamtatna tungtawnin kingah hi. Mihingte hoihna hang hilo hi (Matthew 7:21-23).

17. Zeisu hong kum ciang migilote in bang gen ding uh hiam?

17. Zeisu hong kum ciang migilote in bang gen ding uh hiam?


Maangmuhna 6:15-17. Tua ciangin leitung kumpite leh miliante, galkapmangte, mihaute leh mi vangliante, silate leh sila a hilote-a kipanin a kuamah peuh, mualtunga leihawmte sungah bu uh a, mualte leh suangtum lianpite kiangah, “Kote tungah hong kiasuk un la, tokhom tungah a tupa' __________ leh Tuuno' hehna panin kote hong liah un. Amaute' hehna hangin gimna hun hong tungta ahih manin kua in thuakzo ding ahi hiam?” a ci uh hi.

Dawnna:  ____________________

Phawk Ding:

  Hih anunung zinling lauhuai hun sungin, migilote lau-in ling ding uh hi. Upna neilopi-a Zeisu adawn sangun, suangtumte mencimte vuh ma-ang ding utzaw ding uh hi.

18. Zeisu hong kilat ciang midikte in bang gen ding uh hiam?

18. Zeisu hong kilat ciang midikte in bang gen ding uh hiam?


Isaiah 25:9. Tua ni ciangin, “En un, amah pen eima Pasian ahi hi. Eite a hong hon dingin amah i ngak hi. Amah pen eima Topa ahi hi. Amah i ngak hi. Amah in eite hong __________ ahih manin lungdamin kipak ni,” kici ding hi.

Dawnna:  ____________________

19. Zeisu hong pai kikna ii ngimna bulpi in bang hiam?

19. Zeisu hong pai kikna ii ngimna bulpi in bang hiam?


Johan 14:3. Kei va pai-in note' omna ding mun ka va bawlkholh khit ciangin keima omna munah note na hong om theihna dingun note a hong la dingin ka hong __________ ding hi.

Dawnna:  ____________________

Phawk Ding:

  Zeisu in lawptak-a hih leitungah hong pai kik nading ahang in, A tate hong bawlkholhsak a minthang innpi ah hong la ding ahi hi. Dahna, kahna, natna, satna, sihna te atawntungin om nawnlo ding hi. Tua lai-ah lungdamna leh kilemna atawntungin om ding hi.

20. Zeisu meii tungtuangin asawtlo-in hong pai ta ding hi. Amah tawh kimu dingin tu-in na kiging nai hiam

20. Zeisu meii tungtuangin asawtlo-in hong pai ta ding hi. Amah tawh kimu dingin tu-in na kiging nai hiam




Dawnna:  ____________________


Hilhcianna

Hih anuai-a te in telbeh nadingin hong huh ding hi.

Kiguksimna (Rapture) Thu

Kiguksimna cih upna in bulphuh nam 8 nei a, tua te sittel lopi-in mi tampi takin kiguksimna up baihsa-in san baihsa mahmah uh hi. Bangbang ahi zongin eite kikep nadingin amuanhuai penpen Laisiangtho nisim sim den dinga, hih thu maan maw maanlo cih sittel ding ahi hi (Sawltaakte 17:11). Tua bulphuh nam 8 te in anuai-a bang hi.

1. Kigusim cih in, kuama theihloh kaal, cihna hi-a a simtham hi.

2. Kiguksimna in kimu theilo hi.

3. Kiguksimna ah migilote kihing nusiat hi.

4. Pasian in misiangthote gimna thuaksak lo dingin lakhia in kem hi.

5. Zeisu hong pai nading nam nih te (1) Kiguksimna leh (2) Minthang taka hong pai nading ahi hi.

6. Hih kumkikna nam nih te kum 7 sung kihal ding hi.

7. Antichrist hong kilat ma-in kilaksimna khat om dinga, tua khitciangin gimna hong om ding hi.

8. Migilote in kikhel-in Zeisu a up nop uh leh hunkhat (second chance) nei lai uh hi.

Hihteng khempeuh dawn nadingin hihlai ah kicinglo kha ding hi. Ahih hangin atomcik iin dawng lehang, 1 na leh 2 na pen hih lesson in zong dawng khin hi. Pawlkhat lamdang asa dingin na kiging in!

1. Kilasim, guksim cih pen simtham hetlo-in nak ginngaih mahmah hi. Laisiangtho in Zeisu hong pai kik na pen AWNG DING, VANTUNGMI MANGPA KIKONA LEH PASIAN PENGKUL TUMNA TAWH ci hi. 1 Thessalonians 4:16. David in zong gen in, ih Pasian hong pai dinga, dai omlo ding hi… Ama mai-ah mei husia om a, akimkot ah huihpi om hi (Late 50:3). Jeremiah in agenna ah, Topa asangna mun pan hong hawk dinga,… nasia takin hong hawk ding hi… hong awng ding hi… gamlum pha mahmah ding hi Jermiah 25:30, 31. Dai ding hihet lo hi! Zeisu hong pai leitung khempeuh in thei ding hi. Limtakin ciamteh in, Zeisu hong kum laitakin na om leh, hong pai lam thei ding hiteh, na bil in za hamtang ding hi.

2. Rapture pen kimulo ding hilo hi. Mi khempeuh in mu ding hi. Vantungmite khempeuh tawh hong paisuk ding hi (Matthew 25:31) Zeisu han pan hong thawhtoh nadingin vantungmi khatbek hong pai lai-in Roman galkap 100 te lau lua-in misi bang uh hi (Matthew 28:2-4). Vantungmi khempeuh bangzahta iin ataang ding hiam ngaihsut in. Zeisu vangliatna, vantungmi khempeuh vangliatna tawh kigawm khawm lai ding hi (Matthew 25:31) A Pa vangliatna kihel lai ding hi (Matthew 16:27). Zeisu in agen behlai na ah, khuaphialep in nisuahna lam pan phia-a, nitumna lam dongin atan’ mah bangin, Mihing Tapa hong kum ciangin apiang ding hi (Matthew 24:27). A simtham hiam? “En in meii tawh hong pai-a mittang khempeuh in amah mu ding hi” Mangmuhna 1:7. Zeisu hong kum laitak na nuntaak lai nakleh
na mit tawh na mu ding hi.

3. Rapture ah migilote ahingin kinusia lo hi. Amaute Topa hong pai na in kanglum khin uh hi ( Isaiah 11:4; Malachi 4:1; 2 Thessalonians 2:8 ).

4. Pasian in misiangthote gimna panin lakhia lo hi, ahih hangin lauhuaina panin dal bek hi (Late 91:5-12).

5. Zeisu hong pai kik ciangin nam nih omlo ding, pawlkhat kimu, pawlkhat kimu lo cih bang hilo hi. Khat vei bek Zeisu hong pai kik dinga, leitunga teng mi khempeuh in mu ding uh hi. Tua simloh khat simtham ding, khat kilangtang ding cihbang Laisiangtho sungah omlo hi.

6. Rapture gen te in Zeisu hong pai ding nam nih kikal ah kum 7 kihal ding ci uha, tua bang Laisiangtho sungah mun khat beek ah omlo hi.

7. Zeisu hong pai khit kum thum leh alang ciangin Antichrist hong kidawk ding hilo hi. Kum za tampi gamtang khin a (1 John 4:3) tu nangawn iin a gitloh nasep mah sem hi.

8.Zeisu hong pai kik ciang migilote ading hunhoih om kik nawnlo ding hi. Mawhnei te khempeuh avekpi un Zeisu hong pai ciangin si ma-ang ding uh hi. Zeisu hong pai kik khitciangin akipuahpha thei lai mi khat beek om nawnlo ding hi.

Name:

Email:

Prayer Request:


Share a Prayer Request
Name:

Email:

Bible Question:


Ask a Bible Question


Back To Top