Alian pen Kipumpiakna

Alian pen KipumpiaknaLesson 5

Abraham in Pasian hopihna atelzak mahmah laitakin khuavak nailo hi. “Abraham aw, na it mahmah khat bek na neih na tapa Moriah mualte lakah kong lahna munah hong paipih inla kithohna, biakpiakna-in hong pia in.” Piancil 22:1,2. Hih ngetna azak ciangin Abraham acii lingin akhuasik mul tho hi. Isaac tungtawnin minam lian piang ding hicih zong Pasian in gen khin hi. Sarah in teeknung vuainunga aneih tapa tungah Abraham in alamdang lametna te nei hi. Pasian in tua banga hong nget ciangin banghangin hong ngen hiam cih atelloh hangin a thu man dingin hong khensat hi.

Abraham in Isaac leh amuan a nasem nih te damtakin phong a, mi tawmno te in ni thum lam paina Moriah mual lam hong zuan khiata uh hi. Moriah mual hong naih uh ciangin Abraham in a nasemte kiangah Isaac tawh kong tunkik dong nangak un ci hi. Tua ciangin singlom teng ata puasak-in mual tung hong kahto uh hi. Isaac in a pa kiangah Pa aw, sing leh mei om-a ih biakpiak nading tuuno ee, ci-in dong hi. Abraham in ka ta aw, biakpiak nading tuuno pen Pasian in hong gelsak nading hi ci hi.

Mual dawn hong tun uh ciangin, Abraham in khitui luangkawm sa-in bang tawh biakpiakna pia ding Pasian in ci hiam cih a tapa kiang hong telgen ta hi. Pasian sawl bang mang dingin Isaac in hong lungkim hi. Kikawi-in hong kikah khit uh ciangin a pa in a tapa pen damtakin hong hen-a biakna tau tungah hong koihto ta hi. Abraham in akhut lamto-in Isaac sat ding hong kisak laitakin Topa vantungmi khat in Abraham khut lenin, tua tangvalpa tungah bangmah hih kei in, en in mangbom kawmah tuutal khat akii tawh awk hi tua va la inla, tua tawh kei hong bia in ci-in gen hi. Pa in a it mahmah a tapa piakkhiat dinga nasa tak-a khensatna aneih, Abraham bek hilo hi.
1. Isaac’s ta'anga biakpiak nadinga kizang ganhing in kua limciing hiam?

1. Isaac’s ta'anga biakpiak nadinga kizang ganhing in kua limciing hiam?


Johan 1:29. A zing ciangin Johan in ama __________ Jesuh hong pai a muh ciangin, “En un, leitung mawhna a lakhia Pasian' Tuuno hih lai-ah hong pai hi.

Dawnna:  ____________________

2. Bang hangin Zeisu hong sih ding kita’angsam hiam?

2. Bang hangin Zeisu hong sih ding kita’angsam hiam?


Rom Laikhak 3:23. Mi khempeuh __________ ciat uh a, a hong honkhia Pasian tawh kigamla uh hi.

Rom Laikhak 6:23. Bang hang hiam cih leh __________na in thaman hong piak pen sihna hi a, ahi zongin i Topa Jesuh tawh i kipawl manin Pasian' hong piakkhong pen nuntak tawntungna ahi hi.

Hebru 9:22. Thukham kizatna sungah na khempeuh sisan tawh kisian'suah a, sisan a kiluan'sak khit ciang bekin __________na kimaisak thei pan hi.

Korin Masa 15:3. Kei tungah a hong kihilh a thupi pen note tungah ka hong gensawn a, tua in: Lai Siangtho sungah a kigelh mah bangin eite' __________na tangdingin Khrih hong si-in

Peter Masa 3:18. Khrih mahmah zong note-a' dingin si a, Pasian' kiangah hong tun'pih theihna dingin mihoih khat pen mihoihlote' __________na hangin khatvei a si hi. Mite in ama leitung pumpi that a, ahi zongin Pasian in kha nuntakna a pia hi.

Dawnna:  ____________________

Phawk Ding:

  Laisiangtho manphatna leh a thupitna genzawh hilo hi, banghang hiam cih leh, hih leitungah mawhna hong bangci lut-a bangci bangin kikhiinkhia ding hiam cih hong telsak hi. Pasian in mawhna ii siatna pen thuak zolo hi. Mawhna thaman pen sihna hi. Adam leh Eve hong mawh khitciangin hih sihna pen mihingte khempeuh tungah hong tung hi. Pasian thukham leh a palsatte sihna ding lah kikhel theilo ahih manin mihingte in thuak uh hi. Ahih hangin Pasian in Ama bawlsate tawh hong kikhen zo peuhmah lo hi. Tua manin itna mongneilo tawh hong it Pasian in Ama tapa neihsun nang leh kei ta’ang dinga si dingin hong sawl hi. Ih sihna ding leh ih mawhna teng Ama tungah kisuan ahih manin nang leh kei ih suakta hi.

3. Alian mahmah tatkhiatna pen bang kici hiam?

3. Alian mahmah tatkhiatna pen bang kici hiam?


Maangmuhna 14:6. Tua ciangin leitungah a teng mi namkim, pau namkim a zang mite tungah a __________ Lungdamna ding Thu gen ding a nei vantung mi khat vankim lai-ah a leeng ka mu hi.

Dawnna:  ____________________

Phawk Ding:

  Pasian hong gelsak tatkhiatna pen “Lungdamna thu (gospel)” kici a, tua pen “thu hoih” ahi hi. Tua thu pen mihing khempeuh adingin athupi penpen thu hoih ahi hi. Ih sihna ding Zeisu in lakhia a, ih hoih lohnate hong nilkhiatsak hi.

4. Bang dingin Pasian in hizahta-in hong kipiakhia mawk hiam?

4. Bang dingin Pasian in hizahta-in hong kipiakhia mawk hiam?


Johan 3:16. Pasian in leitung mite hong it __________ ahih manin ama Tapa a um mi khempeuh si nawnloin a hin' tawntung theihna dingun a Tapa neihsun a hong piak dongin a hong itna a hong lak hi.

Dawnna:  ____________________

Phawk Ding:

  Nu leh pa te hong itna pen leitungah alian penpen ahi hi. Pasian in a tapa (Zeisu) nang leh kei ta’ang dinga thuak ding leh si dinga aphalna pen eite’ genzawhloh a hong itna a hong pulaak ahi hi.

5. Zeisu hong sihna ka phattuam nadingin bang ka sep kul hiam?

5. Zeisu hong sihna ka phattuam nadingin bang ka sep kul hiam?


Sawltak Tangthu 16:31. __________ in, “Topa Jesuh um in. Tua hi leh nang leh na innkuanpihte in hotkhiatna na ngah ding uh hi,” ci-in a dawng uh hi.

Johan 1:12. Tua bang hita se leh ama thu ngai-in amah a um mite khempeuh tungah Pasian' tate suahtheihna ding thu a pia hi.

Dawnna:  ____________________

Phawk Ding:

  Tatkhiatna pen Zeisu in hong piakkhong hi (Roman 6:23). Tua manin eite in tua thumaan um in leh taksangna tungtawnin tua piakkhong ih ngah ding hi.

6. Tua leh, koi bang, kei asiangta, mawhmai khinta maw leh?

6. Tua leh, koi bang, kei asiangta, mawhmai khinta maw leh?


Sawltak Tangthu 3:19-20. Tua ahih ciangin na mawhnate uh hong sawpsiangsak theihna ding, Topa kiang panin a hong pai lungsim nopna hun na ngah theihna ding uh leh note-a' dingin a sehsa Jesuh Khrih a hong __________ dingin na mawhna uh kisik un la, Pasian kiang zuan un.

Johan Masa 1:9. Ahi zongin Pasian kiangah i mawhnate va pulak lehang, amah citakin thuman ahih manin, i mawhnate hong maisakin i hoihlohnate khempeuh hong siangsak ding hi.

Dawnna:  ____________________

Phawk Ding:

  Kipulaak-a thuumna pen kisikna kammal hi. Kisikna maan taktak in, mawhna hangin dah-a mawhna taisan-in mawh nonlohna ahi hi (Paunak 28:13).

7. A lamdang kikhelna pen bang kici hiam?

7. A lamdang kikhelna pen bang kici hiam?


Johan 3:7. Tua ahih manin, ‘Na __________ ding ahi hi,’ ka hong cihna hangin lamdangsa kei in.

Dawnna:  ____________________

Phawk Ding:

  A lamdang kikhelna pen suakthak kici hi banghang hiam cihleh nuntaakna kilamdang hi. Naungek te banga suak kik ding cihna hilo-in nuntaakna kikhel ding cihna hi. A sia khat beek ciamteh nonlo-a nuntaakna thak akipan a hi hi.

8. A piangthak Khristian te lungtang sungah kua a lut diam?

8. A piangthak Khristian te lungtang sungah kua a lut diam?


Johan 14:17. Leitung mite in tua Kha Siangtho mu __________, thei __________ uh ahih manin sang __________ ding uh hi. Ahi zongin note sungah tua Kha Siangtho hong omding ahih manin note in na thei ding uh hi.

Dawnna:  ____________________

Phawk Ding:

  Khristiante sungah Zeisu mahmah a Khasiangtho tungtawnin hong teeng hi.

9. Zeisu ka lung sungah Khasiangtho tawh hong teen ciangin, bang ka sem ding hiam?

9. Zeisu ka lung sungah Khasiangtho tawh hong teen ciangin, bang ka sem ding hiam?


Filippi 2:13. Bang hang hiam cih leh note in utna __________ na neihna ding uh leh ama deihna na zuihzawhna dingun note sungah Pasian in a tawntungin na a hong sem ahi hi.

Dawnna:  ____________________

Phawk Ding:

  Ama deihna bang ka sem nuam dinga, Amah in ka sep takpi zawh nading vangliatna tha hong pia ding hi.

10. Ka suahthakna, ka pianthakna tawntun ding hi ci-in bang hangin kimuang ding ka hi hiam?

10. Ka suahthakna, ka pianthakna tawntun ding hi ci-in bang hangin kimuang ding ka hi hiam?


Filippi 1:6. Note sungah hih nasep hoih a hong __________ Pasian in Jesuh Khrih hong paikik hun ciangdong, mi cingtaak na hihna dingun hong huh ding hi, ci-in teltakin ka thei hi.

Dawnna:  ____________________

Phawk Ding:

  Ka khamuang mahmah hi banghang hiam cihleh Zeisu in Ama vangliatna tawh ka hong zawhpih ding hi ci-in hong kamciam hi. Tatkhiatna pen kei hang hilo-in Ama hang hi zaw hi.

11. Bang hangin Khristiante pawlkhat puk uh hiam?

11. Bang hangin Khristiante pawlkhat puk uh hiam?


Isaiah 53:6. Eite khempeuh in tuu __________ lam i khial khin a, eite khempeuh eimau san ciatah i pai khin hi. Topa in eite khempeuh' mawhnate ama tungah a suan hi.

Peter Nihna 3:2. Tanglai peka kamsang siangthote' thugen kholhte leh note lakah sawltak na a semte in Topa leh Honpa' thupiakte a hong gensawn uh thute na phawkkik ding uh ka deih hi.

Dawnna:  ____________________

Phawk Ding:

  Thu um mi tampite puk uh hi banghang hiam cihleh Zeisu pen gumpa bekin deih-in amau nuntaakna uk ding Topa dingin deih lo uh hi. Mi a tamzaw in amau ut bangbanga gamtat nuamsa zaw uh hi. Zeisu honpa leh gumpa-a ihsan khitciangin Ama deih banga nuntaak ding ahi hi. Ih ut bang bek sepnopna te khawl-in bangsem ding ka hiam ci-a dot ding ahi hi. (Behlapna na en in, “Gupna kitaan kik thei nawnlo?”)

12. Zeisu in hong sanga Ama ta ka hih lam bangci kitheih ding ka hi hiam?

12. Zeisu in hong sanga Ama ta ka hih lam bangci kitheih ding ka hi hiam?


Titus 1:2. Thuzuau a gen ngeilo Pasian in __________ pekin thu hong ciamin

Matthai 7:7. “Ngen un; na nget uh leh hong kipia ding hi. Zong un; na zon' uh leh na mu ding uh hi. Kongkhak na kiu un; na kiuh uh leh hong kihon ding hi.

Dawnna:  ____________________

Phawk Ding:

  Zeisu kiangah ngenleng hong sang ding hi cih ih thei hi, ahangin Amah zuauphuak theilo hi. Amah in hong kamciam khin hi, nang leh kei in lungsim kikhel ih neih hangin Amah kikhel ngei lo hi.

13. A piangthak taktak te’ nuntaakna hong kikoici khel diam?

13. A piangthak taktak te’ nuntaakna hong kikoici khel diam?


Johan 13:35. Note khatlekhat ki-it le uh cin keima __________ na hihna uh mi khempeuh in hong thei ding uh hi,” a ci hi.

Korin Nihna 5:17. Tua ahih manin mi khatpeuh, Khrih tawh a kipawl ciangin mi thak suak a, a mi lui ngeina bei-in a mi thak ngeina a neita ahi hi.

Johan Masa 3:22. Ama thupiaknate zui-in ama lungkimna dingin gamta ihih manin ama kiang panin i nget peuhpeuh i ngah hi.

Rom Laikhak 12:2. Leitung mihingte' gamtat bangin gamta kei un la, na lungsim uh kikheelin Pasian kipuahpha sak un. Tua hi leh a hoih nate bang hi a, bangte in amah lungkim sakin, bangte a kicing hiam ci-in thei-in Pasian' deihna na phawk thei ding uh hi.

Sawltak Tangthu 1:8. Ahi zongin note tungah Kha Siangtho hong tun' ciangin vangliatna tawh na kidim ding uh a, Jerusalem khuasung, Judea gamsung, Samaria gamsung, leh leimong dongin note in keima thu na gen ding uh hi,” ci-in a dawng hi.

Efesa 6:18. Kha Siangtho tawh kopin a tawntungin Pasian kiangah na kisapna khempeuh uh ngenin na thum un la, tatsat loin Pasian mi khempeuh-a' dingin thu na ngetsak un.

Dawnna:  ____________________

14. Khristian nuntaakna ah, alamdang kamciam bang om hiam?

14. Khristian nuntaakna ah, alamdang kamciam bang om hiam?


Filippi 4:13. Khrih in a hong piak __________ tawh hihte khempeuh nawkzawhna ding thahatna a nei ka hi hi.

Filippi 4:19. A na ka sep i Topa Pasian in ama hauhna tawh kizui-in Khrih Jesuh hangin note' kitangsapna khempeuh hong pia ding hi.

Marka 10:27. Jesuh in amaute enin, “Mihingte-a' dingin hi zolo mah hi; ahi zongin Pasian-a' dingin ahi mawh thu hilo hi; Pasian-a' dingin na khempeuh hithei hi,” a ci hi.

Johan 15:11. Note hangin kei ka lungdam theihna ding leh note' lungdamna a cingtaak a suahtheihna dingin hih thute a hong gen ka hi hi.

Johan 10:10. Gutate pen a gu ding, a that ding, leh a siasak ding bekin hong pai hi. Kei ka hih leh tuute a nungta maimai bek hiloin nuntakna cingtaak a neihtheihna dingun a hong pai ka hi hi.

Hebru 13:5. Sum deihluatna tawh na kipelhna dingun na nuntakna uhah kikem un la, na neihzah uh tawh lungkim un. Pasian in, “Note ka hong nusia ngei kei ding a, ka hong tamasak ngei kei ding hi,” hong ci hi.

Hebru 13:6. Tua ahih manin kimuan'na lungsim tawh hangtakin, “Topa, kei hong huhpa hi a, ka lau kei ding hi. Kua in bang hong cihzo ding ahi hiam?” ci ngam ni.

Johan 14:27. Note tungah keima neih bang lungnopna ka hong pia ding hi. Tua ka hong piakding lungnopna pen leitung mite in a piaktheih a kiplo lungnopnate pawl hilo hi. Tua ahih manin lau kei un la, zong lungkham kei un.

Dawnna:  ____________________

Phawk Ding:

  Pasian in a mite tungah anuai-a amanpha kamciam giat te hong pia hi.

• Zeisu tawh na khempeuh kizo thei hi.
• Ih sapnate khempeuh hong pia ding hi.
• Eite ading apiang theilo khat beek omlo hi.
• Ih nuam na kim ding hi.
• Nuntaakna kicing ih nei ding hi.
• Pasian in eite hong nusia ngeilo, hong taisan ngeilo ding hi
• Mite in eite tungah bang hong bawl ding hiam cih lau nading omlo hi.
• Topa in Ama khamuanna kicing hong pia ding hi.

Topa minthang hen: Hih sang a hoih zaw bang dang om ding hiam?

15. Tu-in Zeisu hong hotkhiatna sang dingin na khensat ding hiam, ahih kei leh na khensat nuamta hiam?

15. Tu-in Zeisu hong hotkhiatna sang dingin na khensat ding hiam, ahih kei leh na khensat nuamta hiam?




Dawnna:  ____________________


Hilhcianna

Gupna kitaan kik thei nawnlo?

Zeisu Khris Gumpa-a ih san khitciangin, gupna ih taan kik thei ding hiam? Hih dotna pen Pasian Kammal (Laisiangtho) sung pan bekin kidawng thei ding hi. Laisiangtho bek dawngsak ni: “Lametna thu tawh kipawl ih upna sawisak lo-in len kip ni; (Ahangin Ama kamciam kho hi;) Tua thamlo-in, itna lungsim neih nading, apha a gamtat nadingin khat leh khat kihansuah iin kidom ni. Banghang hiam cihleh thumaan i theih khitciangin ei deihna zui-in i mawh kik leh, anung ciangin mawhna maisakna ding biakna aom kei ding hi.” Hebrews 10:23, 24, 26.

Khristian ih hih khitciangin ei sep ding om nawn hetlo hi cih Laisiangtho mun khat beek ah omlo hi. Laisiangtho in hih bangin gen hi. “I Topa leh Honpa Zeisu Khris theihtelna hangin leitung kihhuaina tawh asuahtak khit uh ciangin, khat vei awk kik iin a lelh uh leh, anung ciangin apian’ in apian’ masak sangin agilo zaw hi; dikna thu lampi atheih khit uh ciangin thukham siangtho a paaikhia kik sangin tua lampi thei lo-in aom uh leh amau ading apha zaw hi. Ui in ama luak ane kik hi; vokpi in akisil khitciangin buan lakah abual kik hi, ci-in ama thu gentehna bangin mite tungah apiang zo hi.” 2 Peter 2:20-22.

Khristiante in thu ngaihsun a khensat ding ahi hi. Zeisu in, “Tatkhiatna pen Ama tungah bangzah takin kingam-in ki ap ih hi hiam cih tungah kinga zaw hi,” ci hi (John 15:4). Paul in: “Nisim in ka si hi” ci hi. Corinthians Masa 15:31. Acih nopna ah nisim-in ama deihna khempeuh nial in Zeisu zuihna ahi hi. Zesu in, “Mi khat peuh in kei hong zuihnop leh, apumpi nial a, asinglamteh ni simin pua in hong zui tahen.” Luka 9:23. Laisiangtho in thumaan nungngat sa-in gupna kingah veve ding hi, ci lo hi. Ezekiel 18:24 sungah: “Mi hoih khat in agamtat hoihna teng khawlin, mi gilote’ gamtat bangin amin daihuai, gamtatsia te gamtat ding hong kipan leh, amah nungta paisuak ding ahi hiam? Nungta hetlo ding hi, ahoih ama gamtatna sate kiphawksak lo ding hi. Ama cihtak lohna leh ama mawhna hangin si ding hi.” Paul in zong hong gena: Ka lungkip hi ci-in a ki-um miin a puk loh nadingin kikeem hen.”1 Corinthians 10:12.

Mi pawlkhat te in kambek tawh ka-um hi ci-in gamtat khiat ding kulsak lo uh hi. Ahih hangin, Zeisu in: “Topa aw, Topa aw hong ci khempeuh te vantung gam sungah tum thei kim lo ding uh hi. Vantungah aom ka Pa deih banga gamta te bek atung ding uh hi. Tua ni ciangin, Topa, Topa, kote in nang ma min tawh Pasian thuhilh hi lo ka hi uh hiam? Nang ma min tawh dawi te hawlkhia hi lo ka hi uh hiam? Nang ma min tawh nalamdang tampi bawl hi lo ka hi uh hiam? ci-in mi tampi te in hong gen ding uh hi. Tua banga hong gen uh ciangin, Note cikmah in kong thei ngeikei hi. Mawhna ahih te aw, kei kiang pan in taikhia un, ka ci ding hi.”Matthew 7:21-23 Paul in Khristian te’ ni sim nuntaakna ding agen na ah: “Tai kidem te khempeuh atai uh hangin khat bek in noptuamna angah hi cih theilo nahi uh hiam? Tua ahih ciangin note in zong noptuamna ngah nadingin na tai un.

Pawikhamna sungah akidem te khempeuh in na khempeuhah apumpi uh akhaamcip thei uh hi. Tua te in a vul gawp thei paak kraun angah nop manun akidem uh hi. Eite i hih leh, avul thei lo, asia thei lo kham lukhu ngah nadingin i kidim hi. Tua ahih ciangin ka tai ciangin mawkna bangin ka tai kei hi. Mi tawh ka kitup ciangin huih tuum bangin ka tuum kei hi. Mi dangte thu ka hilh khitciangin hawlkhiatna ka thuak loh nadingin ka pumpi tuumin, ka bawlsia hi.” 1 Corinthians 9:24, 25, 27

Gupna khat vei ih ngah khitciangin kitaan kik theilo hi cih upna in, Pasian hong piak deihteelna pen omlo hi, cihna hi. Alang lam pan genkik leng, Pasian in ih nuntaakna sungah a hong patkhiat nasep tawntun ding hi ci-a lungmuanna ih neih ding hong deih hi, “Tua bang kaphatna ah note tungah a pha nasep hong bawl apan pa in Zeisu Khris Ni dongin hong bawl in, hong zosak ding hi ci-in ka lungdam hi.” Philippians 1:6. Amah ih zuih tawntung leh ih lungmuangin, Amah in hong makaih den dinga Amah a len tinten khut hong hemkhia ngeilo ding hi. “A bei dongin akipte in gupna angah ding uh hi.” Matthew 24:13.

Name:

Email:

Prayer Request:


Share a Prayer Request
Name:

Email:

Bible Question:


Ask a Bible Question


Back To Top