Vantung Aa Bang Lian

Vantung Aa Bang LianLesson 15

Topa in Israel te’ saltaanna Egypt gam pan a hotkhiat hun lai-a a bawl alian lim leh nalamdang te tawh kibang tua malai-in bawl ngei nailo hi. Pharaoh in a salte abenkhiat masiah a gam sungah gimna khat khit khat tung hi.

Tua banah Topa in San Tuipi khen iin akhangmoi minam te makaih-a anung vua adelh a galte uh tui tai sak hi. Gampalak hong tun khit uh ciang, Pasian in a Khap Leitang lam tawh kilehbulh khanglam manawh iin makaih-a A mi tampi te lamdang sasak hi. Gamh luah dingin akigin maun kithukhat-a Pasian a muan nading un hilh phot ding Topa in thei hi. Sinai Mual a zuat na vuah Pasian in a tangsap khempeuh uh sik hi. Gil akial uh ciang Pasian in vantung pan anlum tawh vak hi. Dang akeu uh ciang Topa in Suangpi pan tui phulsak hi. Anung uh pan thakhatthu-in a kido ciangin a lamdang gualzawhna pia hi. Atawpna ah mual siangtho bul ah Israel te in giahphual sat uh hi.

Tua munah Pasian in tua malai-a abawl ngeiloh khat bawl hi. Amah in minam teng zak iin—Ama thuciamna —Thukham Sawm genkhia hi. Topa in akiza-in Ama thukham a genkhiat khitciangin suang tungah agelh ngiat ala dingin Topa in Moses Sinai Mual tungah sam hi. Tua beklo adang khat zong Pasian in pia hi. Mual tungah Topa tawh sun 40 leh zan 40 aom sungin, Moses in Pasian ading akipua koikoi thei biakbuuk, ahoih mahmah alamdan ding hilhna akicingin ngah hi.

Vantunga Pasian teenna bang dan lian aneu-a bawl ding ahi hi. Pasian in leitung bup ah akisem ding mawhna pan eite hong gupkhiat nadinga Ama gelna khen thum (3-D) apha nasepna thu ahi hi.
1. Pasian in Moses bang lam dingin sawl a, bang hang hiam?

1. Pasian in Moses bang lam dingin sawl a, bang hang hiam?


Paikhiatna 25:8. __________ lakah kei ka om theihna dingin kei-a' dingin biakbuk khat amaute bawlsak in.

Dawnna:  ____________________

2. Pasian in biakbuuk leh a sunga akisem te panin a mite in bang thu a sin ding uh deih hiam?

2. Pasian in biakbuuk leh a sunga akisem te panin a mite in bang thu a sin ding uh deih hiam?


Late 77:13. Pasian aw, nangma lampi siangtho hi. __________ Pasian tawh kibangin bang pasian lian ahi hiam?

Dawnna:  ____________________

Phawk Ding:

  Pasian’ lampi, ahih kei leh gupkhiatna dinga geelna teng, leitung biakbuuk tungtawnin hong lak hi. Biakbuuk vanteng leh a kisepzia khempeuh in Zeisu in eite hong gupna dinga hong sep ding teng a limciing hi. Biakbuuk thu leh a kisem zia teng ih tel masiah gupkhiatna dinga geelna thu (gupkhiatna thu) tel khin zolo ding hihang. Hih in lian a, 3-D muhtheih nate tawh gupkhiatna paizia hong telgen hi.

3. Moses in hih biakbuk lim pen koi pan a ngah hiam?

3. Moses in hih biakbuk lim pen koi pan a ngah hiam?


Paikhiatna 25:40. __________ nang' tunga hong kilak hih nate pen amau' lim ding bangin na bawl ding thei in.

Dawnna:  ____________________

Phawk Ding:

  Pasian in Moses kiangah biakbuuk a lam dan ding a neng a tawngin Sinai mual tungah gen sitset hi (Hebrews 8:5). Vantung aom Pasian’ biakbuuk tatak mah abang dingin alah ahi hi.

Sanctuary Model - Zomi Language

Biakbuuk kilam masa penin, hoih mahmah iin buuk tawh kibanga kilam inn khat hi, (adung pi 45, avai pi 15, asahna pi 1 leh alang) hi. Tua lai ah a vanglian Pasian teenga, a tuam vilvel nasepte kisem hi. Akawm pekte sing khasing, sumngo kualte tawh kibawla kham kizut hi (Paikhiatna 26:15-19, 29). Atungkhum khuhna thuap li pha a—puan dum, keelmul, tuutal vun asan akinim leh, ngalvang vun tawh kibawl hi (aneu 1, 7, 14). Dei nih nei hi: siangtho mun ( pi 15 zai, pi 30 sau), siangtho bel mun (adung avai kikim in pi 15 tuak) hi. Hih thu nasin kawmin atunga kisuai lim tawh na etkak zel in.

4. Biakbuuk tual ah bang teng om hiam?

4. Biakbuuk tual ah bang teng om hiam?


Paikhiatna 29:18. biakna tau tungah tuutal a bupin na hal ding hi. Tua pen Topa' tungah meihal biakna hi a, a gim namtui, Topa' tungah mei tawh kihal biakna ahi hi.

Paikhiatna 30:18. “Kisilna dingin sumngo kuang khat, leh a ngakna ding __________ sumngo mah tawh bawl in. Nangmah in kikhopna buk leh biakna tau kikalah na koih ding a, tua sungah tui na koih ding hi.

Dawnna:  ____________________

Phawk Ding:

  Haltum biakna tau (Paikhiatna 27:1-8) pen ginhing tawh biakna mun hi. Tua pen biakbuuk tual biakinn lutna ding lian ah om hi. Hih haltum biakna tau pen Topa Khrist singlamteh limla hi. Tua ganhing kigo te in Zeisu hong sih takpi ding limla uh hi (John 1:29). (Sumngo) Kisilna kuang (Paikhiatna 30:17-21; 38:8) pen haltum biakna tau leh biakinn sung lut nading kong tawh kikal ah om hi. Siampite in biakpiakna pia ahih kei leh biakinn sung alut ma-un akhut uh leh akhe uh sil uh hi. Tua tui in tuiphumna, mawhna pan sawpsiangna, leh pianthakna cihte limla hi.

5. Siangtho mun-a om van thumte in bang teng hiam?

5. Siangtho mun-a om van thumte in bang teng hiam?


Gamlak Vakna 4:7. Ompihna Anlum sabuai tungah amaute in puan a dum phah ding uh a, tua tungah a kuangdaite, paknamtui pakante, kuang-ukte, leh tuibuahna thawl __________ koih ding uh a, a kikoih tawntung anlum zong a tungah om ding hi.

Gamlak Vakna 8:2. “Aaron tungah hih bangin gen in. Meivakte na koih ciangin, meivak sagihte in meivak khuam mai teng a taan' dingin koih in, ci-in gen in,” a ci hi.

Paikhiatna 30:1. Nangmah in paknamtui halna ding biakna tau khat, singkha sing tawh na bawl ding hi.

Dawnna:  ____________________

Phawk Ding:

  Anluum koihna sabuai (Paikhiatna 25:23-30) in Zeisu limciing hi, nuntaakna anluum (John 6:51). Khuaimeivak sagihte (Paikhiatna 25:31-40) in Zeisu limciing hi, leitung khuavak (John 9:5; 1:9). Meivak sathau (namgimtui) in Khasiangtho limciing hi (Zechariah 4:1-6; Mangmuhna 4:5). Namtuii halna tau (Paikhiatna 30:1-8) in Pasian mite thungetna limla ahihi (Hebrews 5:7).

6. Siangtho bel mun ah atuam diak bang om hiam?

6. Siangtho bel mun ah atuam diak bang om hiam?


Paikhiatna 26:34. Siangtho pen mun sunga om thuciamna singkuang __________ hehpihna tokhom na koih ding hi.

Dawnna:  ____________________

Phawk Ding:

  Siangtho bel mun sungah (Paikhiatna 25:10-22) kham kizui singkha sing tawh kibawl tecipanna singkuang bek om hi. Tua singkuang tungah kham taak tawh kibawl vantungmi nih om hi. Tua singkuang siin pen hehpihna tokhom kici hi (Paikhiatna 25:17-22), tua ah Pasian om hi. Hih in vantunga vantungmi nihte kikal aom Pasian kumpi tokhom limla hi (Late 80:1; Isaiah 6:1,2).

7. Singkuang sungah bang om hiam?

7. Singkuang sungah bang om hiam?


Paikhiatna 25:21. Singkuang tungah __________ tokhom na koih ding a, singkuang sungah nang kong piak ding thuciamna na koih ding hi.

Thu Hilhkikna 10:4, 5. Kikhop ni-in mei sung panin mualtungah Topa in note tungah hong gensa thupiak sawmte, a masa-a a kigelh bangin tua suangpeekte tungah amah in gelh a, tua ciangin Topa in kei tungah tua suangpeekte hong pia hi. 5Tua ciangin kihei-in mualtung panin ka paisuk a, ka bawlsa singkuang sungah tua suangpeekte ka koih hi. Topa in kei hong thupiak bangin suangpeekte tua sungah a om hi.

Dawnna:  ____________________

Phawk Ding:

  Pasian in Ama thuciamna suangpek nih tungah Ama khut mah tawh gelh a, tua pen singkuang sungah kikoih hi. Tua tungah hehpihna tokhom oma, tua in Pasian mite in mawhna nusia-in a thuum nak uh leh (Paunak 28:13), siampipa in hehpihna tokhom tungah a theh sisan tungtawnin hehpihna ngah ding uh hi cih akilatna ahi hi (Siampilaibu 16:15, 16). Tua sisan in mi khempeuh in mawhmaina leh sianthona a ngah na dinga akibua Zeisu sisan limciing ahi hi (Matthew 26:28; Hebrews 9:22).

8. Bang hangin Laisiangtho Lui sungah biakpiakna dingin ganhing gawh ding kisam hiam?

8. Bang hangin Laisiangtho Lui sungah biakpiakna dingin ganhing gawh ding kisam hiam?


Hebru 9:22. Thukham kizatna sungah na khempeuh sisan tawh kisian'suah a, sisan a kiluan'sak khit ciang bekin mawhna kimaisak thei pan hi.

Matthai 26:28. Mi tampite' mawhna a maina dingin a luangkhia, Pasian' __________ a kipsak, ka sisan ahi hi.

Dawnna:  ____________________

Phawk Ding:

  Ganhing sisan tawh kithoihna in Singlamteh tungah Zeisu hong si a tua sisan lo-in kuamah in mawh maisakna ngah lo ding hi cih atheih nadingun akisam ahi hi. Adipkuat huai tatak thu-in mawhna thaman sihna hi. Ih vekin mawhnei ih hih manin si dinga kilawm ihi hi—Zeisu in akicing Ama nuntaakna eite mawhna ta'ng dingin hong bua lo hileh a si ma-ang ding ihi hi. Mawhnei te-in akithoihna ding ganhing hong keng uha amau mahmah hangin tua ganhing go uha (Siampilaibu 1:4, 5), tua sisan naisan te-in adip uh kuasak hi, mawhna in Zeisu luang akalna amulkim huai zia mi khawmpeuh in hong lainat uhi. Tua hangin amau te in gupkhiatna singlamteh masuan uha, eite in gupkhiatna singlamteh ih nunget hi. Hilo adang gupna ngahna ding dang omlo hi.

9. Mawhna hangin ganhing tawh kithoih ciangin, tua mawhna bangci hiam?

9. Mawhna hangin ganhing tawh kithoih ciangin, tua mawhna bangci hiam?


Siampi Laibu 1:4, 5. Amah in meihal biakna ganhing lu tungah a khut nga ding a, ama-a' dingin kilemna bawlna dingin kisang ding hi. 5Tua ciangin amah in Topa' mai-ah a bawngtal go ding hi. __________ suan siampite in a si hong paipihin, kikhopna buk konga biakna tau kimkotah a si theh ding hi.

Dawnna:  ____________________

Phawk Ding:

  A mawh mi in kithoihna ganhing lutungah akhut nga-in a mawhna teng a thuum khitciangin, amawhna teng ganhing tungah kitei cih limla hi. Tua manin ganhing mawhnei hong suak iin sih daan a thuak hong kul hi. Tua in, ei mawhna teng Zeisu kisuan hicih limla ahi hi.

10. Mi khempeuh aitangin ganhing tawh kithohna akibawl ciangin, mawhna bangci hiam?

10. Mi khempeuh aitangin ganhing tawh kithohna akibawl ciangin, mawhna bangci hiam?


Siampi Laibu 4:17. a si sungah a khutme diahin dalna puan mai Topa' __________ sagih vei theh ding hi.

Dawnna:  ____________________

Phawk Ding:

  Siampipa in biakbuuk sungah pai-in tua ganhing sii kidalna puan atheh ciangin, mawhna te in mite tung pan biakbuuk sungah kiteikhia ta cihna lim ahi hi. Zeisu a sih khit vantung akahtoh ciangin, biakbuuk sungah lut a, (ta-anglai siampi te sep bang lian iin) nang leh kei in mawhna te kisik kik-in pulaak-a Zeisu min suanga ih thuum te khempeuh Ama sisan hangin hong maisak hi cih hong lak hi (1 John 1:9).

11. Biakbuuk a limciinna nih, ei ading Zeisu kicinsak bang hiam?

11. Biakbuuk a limciinna nih, ei ading Zeisu kicinsak bang hiam?


Korin Masa 5:7. Note na siangtho theihna dingun mawhna silngo luite na paikhia un. Tua hi leh silngo sawhloh annel lom thak na hi ding uh a, zong ahi takpi mah na hi uh hi. Bang hang hiam ci leh i Paisan Pawi hun hong tungta a, eite' Paisan Tuuno ahi Khrih kigo khinzo ta hi.

Hebru 4:14. Tua ahih manin eite in Pasian' omna __________ a va tung khinsa, Siampi Lianpen ahi Pasian' Tapa Jesuh neikhin ihih manin i san'sa upna thu kiptakin len ni.

Dawnna:  ____________________

Phawk Ding:

  Zeisu in eite mawhna hangin hong kikham-a, vantungah eite siampi lian sem hi, tua manin a lamdang thu nih eite hong zawhpih hi. A khatna ah pianthakna tatak cih suakthakna, abeisa mawhna khempeuh hong maisak (Johan 3:3-6; Romams 3:25). Nihna ah tu leh hong pai lai ding hun te ah adik-a nuntaak theihna dingin tha hong guan hi (Titus 2:14; Philippians 2:13). Hih thu nih te in mi adik suak sak-a, tua in Pasian leh mi kikal ah amaan kizopna hong neisak hi. Sepna (Ama hanciam tawm) tawh kuamah in dikna ngah theilo hi, ahangin diktanna pen Zeisu bek sep theih hehpihna hang hi (Sawltaakte 4:12). Tua in upna hanga diktanna hi a, hih bek in amaan diktanna ahi hi.

12. Zeisu hanga Laisiangtho in hong khap a lungdam huai diktanna thu, nam gukte in bang hiam?

12. Zeisu hanga Laisiangtho in hong khap a lungdam huai diktanna thu, nam gukte in bang hiam?


Johan Masa 1:9. Ahi zongin Pasian kiangah i mawhnate va pulak lehang, amah citakin thuman ahih manin, i mawhnate hong maisakin i hoihlohnate khempeuh hong siangsak ding hi. A. Abeisa-a ihmawhna te hong selsak-in mawhneilo hong tangsak hi. (Isaiah 44:22; Johan Masa 1:9). B. Pasian meel suun kik dingin Zeisu in hong kamciam.(Rom 8:29). C. Pasian deihna bang ih gamtat nadingin Zeisu in hong huh ding hi. (Philipians 2:13 ). D. Pasian lungdamsak nading khempeuh bek Zeisu in hong huh ding hi (Hebrews 13:20, 21; Johan Masa 3 :22). E.Ama sianthona leh hong sihna hangin eite sihna ding panin hong honkhia hi. (2 Corinthians 5:21). F. Hongpai kik matengin muanhuai tak-a ih om zawhnangin hong huh ning ci-in Zeisu in hong kamciam hi. (Philipians 1:6; Juda 24).

Dawnna:  ____________________

Phawk Ding:

  Na nuntaakna sungah a manpha kamciam khempeuh a hong sem dingin Amah abaih sa-in om hi. Nang na kiging nai hiam? Tu-in na nuntaakna hong ukna dingin khukdin iin Ama kiang ngen in, hong ciampel lo ding hi.

13. Midik khat suah theihna dingin, mihingte sepna akihel hiam?

13. Midik khat suah theihna dingin, mihingte sepna akihel hiam?


Matthai 7:21. “Kei kiangah, ‘Topa, Topa aw,’ hong ci mi khempeuh, vantung ki-ukna sungah lutthei kimlo ding uh a, vantungah a om ka Pa' deihna bangin a __________ bek lutthei ding uh hi.

Dawnna:  ____________________

Phawk Ding:

  He, Ih kihelna in ih lungsim leh lunggulhna teng Zeisu kiang tun-a hong uk ding kiphalna ahi hi. Ih nuntaakna bup a uk dinga Amah ih muan kul hi. Mi tampi te in amau sepna kihel lo-in Ama min suang khempeuh vantung tung ding sa uha, tua bang sepna omlo upna si-in amaan hilo hi (Matthew 7:14).

14. Siansuah ni iin bang piang hiam?

14. Siansuah ni iin bang piang hiam?


Siampi Laibu 16:30. Bang hang hiam cih leh hih ni-in note sian'sakna dingin note-a' ding __________ kibawl ding a, na khialhna khempeuh panun Topa' mai-ah na siang ding uh hi.

Dawnna:  ____________________

Phawk Ding:

  Siansuah ni pen ta-anglai Israel te adingin thukhenna ni hi a, kumkhat in khat vei nei uh hi (Siampilaibu 23:27). Mawhna teng pulaak a, nusiat ding ahi hi. Tua ni lian-a, anial khempeuh atawntungin Isreal te giahphual pan kihawlkhia hi.

(aneu 29). Tua ni-in keel nih kiteel hi. Khat Topa keel, khat dawi keel, dawi keel pen in Satan limciing hi (Siampi Laibu 16:7,8). Topa keel pen kigo iin mi khempeuh te mawhna ta’ng dingin kithoihna iin kizang hi (aneu 9). Asisan siangtho bel mun ah kilutpih iin hehpihna tokhom mai ah kitheh hi (aneu 14). Hih atuam vilvel thukhen ni bek iin siampipa siangtho bel mun sungah lut hi. Hih akitheh sisan (Zeisu kipiakkhiatna sisan limciing) Pasian in sangin, tua manin mawhna amaiteng khempeuh biakbuuk panin siampipa tungah kitei hi. Siampipa hong pusuah ciangin, tua mawhna teng khempeuh dawi keel lu tungah suan-in tua keel pen hong ciah kik thei nawnlo dingin gampalak ah kikhah hi (aneu 16, 20, 22). Tu-a danin, biakbuuk in mite mawhna teng siansuahna lim ahi hi, amaa kum khat sung bupa mawhna teng khempeuh akitheh sisan tungtawnin tu-a banga kiteisawn ahi hi.

15. Vantung biakbuuk siansuahna ding, ta-anglai a siansuah ni aa kisemte in liim alak khol ahi hiam?

15. Vantung biakbuuk siansuahna ding, ta-anglai a siansuah ni aa kisemte in liim alak khol ahi hiam?


Hebru 9:23. A taktak a hilo vantung limte pen hih bangin sian'suahna kibawl hi. Ahi zongin vantung nate in hih sangin a hoihzaw __________ kisam hi.

Dawnna:  ____________________

Phawk Ding:

  Hi mah hi! Tua ni akisem te in Zeisu tungtawn-a mawhna akibawhsiang ding zia akawk khol hi. Zeisu in Ama mite ading leh a luangkhia Ama sisan a um mi khempeuh mawhna a laakkhiat sak dingin kiging sa-in vantungah palai semin om hi.

Ta-anglai siansuah ni, (tulai Israel te Yom Kippur), in hih leitung kisiansuah nading liim hikhol hi. A tawpkhak siansuahna in a tawpkhak thukhenna hi a, tua in mawhna thu tawh kisai mimal kim dotna khempeuh thengsak ding hi. Azom ih thusinna dingah Pasian in vantung thukhenna bang hun-in kipan ding hiam cih akoihna thu ih sin ding hi. Theihnop huai lua!

16. Na nuntaakna bup Zeisu khut sungah ap dingin lunggulhna na nei hiam, tua hileh Amah in midik na suah nadingin akisam nalamdang te hong sem thei ding hi.

16. Na nuntaakna bup Zeisu khut sungah ap dingin lunggulhna na nei hiam, tua hileh Amah in midik na suah nadingin akisam nalamdang te hong sem thei ding hi.




Dawnna:  ____________________

Name:

Email:

Prayer Request:


Share a Prayer Request
Name:

Email:

Bible Question:


Ask a Bible Question