Vantung Kongvangte

Vantung KongvangteLesson 18

Jacob in a zuauphuahna leh a huaihamna te hangin a thuak khak ngei het loh hawmsuakna, lunglenna leh lungkhamna te thuak hi. Khatna ah, a upa Esau in ata upa za a zuak nadingin Jacob in ka-al hi. Tua khitciangin a nu huhna tawh Esau ngah ding, ta upa za thupha a ngah nadingin mittaw a pa, Isaac, khem hi.

A sanggampa a khem man-a thah ding alau manin, tuin Jacob inn pan hong taikhia hi. A gamtatna sate a ngaihsut kik ciangin, alu kuunsuk iin nakpi takin a kap hi. Tu-in gampalakah khatkia alukham ding suangtum leh akidal nading ciangtawn khat tawh gimin hong tawlnga a, Pasian in ka mawhna te hong maisak-in--ka nu leh pa te ka mu kik mawk tam maw ci-in ahu sa'anga, lusuu iin hong ihmu hi. Sawtlo-in akician mahmah ma-ang khat man pah a, ataang mahmah khuavaak kahlei khat vantung pan kitholh suk-in leitungah kinga suk hi.

Tua kahlei tungah vantungmi simzawh loh ding akahto akumsuk amu hi. Tua ciangin Jacob in vantung panin Pasian in, na khualzinna thupha kong pia ding hi ci-a agen za hi.

Topa in Jacob tawh a kiciam banglian mah Abraham leh Isaac te tawh zong abawlkhitna thu theician sak hi. A khanlawh ciangin Jacob khukdin iin ka huaihamna panin ka khawl taktak ding hi ci-in kiciam hi. "Nong piak khempeuh lakpan sawm ah khat nang kong pia ding hi," ci-in a kiciam hi. Piancial 28:22.

Pasian in Jacob kiciamna sang hi. Vantung kongvang te hon iin thupha pia a, tua zawh kum 20 khitciangin Jacob inn aciah kik ciangin neih leh lam kicing anei mahmah pa leh acingh mahmah pa hong suak hi.
1. Jocob in sawmahkhat Pasian kiangah piak ding hi cih koi lai pan thei hiam?

1. Jocob in sawmahkhat Pasian kiangah piak ding hi cih koi lai pan thei hiam?


Piancilna 14:18, 20. Tua ciangin Jerusalem kumpipa Melkhizedek in an leh __________ hong pusuah hi. Amah pen Sang Pen Pasian' siampi zong ahi hi. 20Na galte na khutsungah a hong pia Sang Pen Pasian in thupha ngah hen,” a ci hi. Abram in na khempeuh sawmah khat ama tungah a pia hi.

Dawnna:  ____________________

Phawk Ding:

  Sehsuah pen mi khat ii sumlut ii sawmahkhat ahi hi. “Sehsuah”cih kammal in "sawmahkhat" cihna ahi hi. Jacob pu, Abraham, in etteh dingin sawmakhat ta-angtawngpekin Pasian siampipa Melchizedek tungah na pia hi.

2. Ih sumlut lakah bangzah Pasian neihsa kihel hiam?

2. Ih sumlut lakah bangzah Pasian neihsa kihel hiam?


Siampi Laibu 27:30. “Leitang panin a piang khempeuh khaici hita leh __________ hita leh sawmah khat Topa-a' hi a, Topa-a' dingin siangtho hi.

Dawnna:  ____________________

Phawk Ding:

  Atatak ah, ih neihsa 100 ah za pen Pasian aa hi.

Late 24:1 Leitang leh a tunga omte, leitung leh atunga teengte in Topa aa hi.

Ahih hangin Pasian in na khempeuh Ama aa himah hi cih upna ih lahna dingin sawmahkhat piak kik ding hong ngen hi.

3. Ih sehsuah tawh Pasian in bang sem hiam?

3. Ih sehsuah tawh Pasian in bang sem hiam?


Gamlak Vakna 18:21, 24. "Kikhopna buk sungah amaute' nasepna thaman dingin Israel sunga sawmah khat khempeuh, Levi mite' tungah gamh-in ka pia hi. 4Bang hang hiam cih leh amaute in biakna-in Topa' tungah a piak uh Israel mite' sawmah khat pen Levi mite tungah luah dingin ka pia khin hi. Tua ahih ciangin Israel mite lakah amaute in luah a neihloh ding uh ka gensa ahi hi,” a ci hi.

Korin Masa 9:13, 14. Biakinn-ah nasem dingin a kicial mite in biakinn mah panin an ngah uh a, biakna tau-ah na a semte in biakna sa mah a ngahna uh theilo na hi uh hiam? * 14Tua mah bangin __________ thu a hilhte in tua nasepna mah panin nuntakna a ngahna ding uh Topa' thupiak ahi hi.

Dawnna:  ____________________

Phawk Ding:

  Laisiangtho Lui sungah Pasian in sawmahkhat Ama nasem Levite mite neek dingin gen hi. Pasian in 1 Corinthians 9:13 sungah ta-anglai aa siampite biakinn-a kipia sehsuah te apiak mah bangin, tuhun-a lungdamna thupuak nasem te zong pawlpi tungtawna kipia sehsuah te pan piak ding ci hi.

Phawk Ding:

  Laisiangtho Lui sungah Pasian in sawmahkhat Ama nasem Levite mite neek dingin gen hi. Pasian in 1 Corinthians 9:13 sungah ta-anglai aa siampite biakinn-a kipia sehsuah te apiak mah bangin, tuhun-a lungdamna thupuak nasem te zong pawlpi tungtawna kipia sehsuah te pan piak ding ci hi.

4. Sehsuah thu pen singlamteh ah abei Moses thukham lui sunga kihel ahi hiam?

4. Sehsuah thu pen singlamteh ah abei Moses thukham lui sunga kihel ahi hiam?


Piancilna 28:20, 22. Tua ciangin Jakob in __________ khat bawlin, “Pasian in kei hong ompih a, hih ka paina lampi-ah kei hong kep a, nek ding an leh silh ding puan hong piak a, 22khuamin ka phuhsa hih suang pen Pasian' inn hi ding hi. Keima tungah nangmah in nong piak khempeuh sawmah khat nang' tungah kong pia kik ding hi,” a ci hi.

Dawnna:  ____________________

Phawk Ding:

  Beilo! Moses tungah thukham akipiak mapekin Abraham leh Jacob in angah lak uh pan sawmahkhat napia khin uh hi. Sinai mapek aom khinsa ahih manin singlamteh tunga bei limciing thukhamte ah kihel lo cihna ahi hi. Sehsuah piak ding thukhun pen Pasian in Ama nasemte panpihna dinga agel ahih manin tuni dong kipin muibun lai hi.

5. Ahihhang sehsuah piakna pen Zeisu in deih lo hilo hiam?

5. Ahihhang sehsuah piakna pen Zeisu in deih lo hilo hiam?


Matthai 23:23. Mihoih a kineihkhem, no Thukham hilh siate leh __________ mite in gimna na thuak ding uh hi. Note in Pasian tungah lengmasel, masala, leh kummin sing namtui-a kipanin meh namtui nam khempeuh, sawmah khat pia napi-in, thukham sungah a thupizaw ahi thutang, hehpihna, leh thumante na don kei uh hi. Adangte nusia tuanloin hih thute na zuihding uh ahi hi.

Dawnna:  ____________________

Phawk Ding:

  Hilo hi! Pharisee te in Pasian tungah lengmasel, masala, leh kummin sing namtui-a kipanin meh namtui nam khempeuh, sawmahkhat pia napi-in, thukham sungah a thupizaw ahi thutang, hehpihna, leh upna te na don kei uh hi, ci-in Zeisu in Pharisee te taii hi. Sehsuah piak amawhsak hilo a, a thupi sep ding dangte a awlmawh lohna hang uh hi zaw hi. Tua manin Zeisu in, “Adangte nusia tuanlo-in hih thute [sehsuah] nasep ding uh ahi hi,”ci hi.

6.  Sehsuah thu ah Pasian in a lamdang bang hong kamciam hiam?

6. Sehsuah thu ah Pasian in a lamdang bang hong kamciam hiam?


Malakhi 3:10. Ka biakinn-ah an a om theihna dingin sawmah khat a kimin hong paipih un. Kei hong ze-et un; vantung __________ hongin, note-a' dingin na hoih tampi kong piakna na mu ding uh hi.

Dawnna:  ____________________

Phawk Ding:

  Pasian in, “Sehsuah piak ding na lunghian uh leh, hong sin un, thupha a tampi ka hong pia hiam ka hong pia kei hiam” ci hi. Sehsuah piapia mi tulza tampite in Pasian in thupha hong pia takpi mah hi hong ci ding uh hi. Nang piak, Pasian hong piak sangin tam zaw lo ding hi!

7. Pasian in A mite kiang ka saal sungah na sehsuah khempeuh uh hong paipih un ci hi. Bang a deihna hiam?

7. Pasian in A mite kiang ka saal sungah na sehsuah khempeuh uh hong paipih un ci hi. Bang a deihna hiam?


Nehemiah 13:12. Tua ciangin Judah mite khempeuh in an, __________, leh sathau sung pan sawmah khat hong paipihin vankoihna innte-ah hong tun' uh hi.

Dawnna:  ____________________

Phawk Ding:

  Saal cih pen Pasian’ biakinn hi.(Laisiangtho sungah “sumkholna” leh “an saal”cihte a kibanghi). Malachi 3:10 ah, Pasian in saal sungah acih pen “an saal” cihna hi a, akhiatna in A biakinn, aihkei leh biakpiakna mun ci nuam hi. Adang Laisiangtho mun te ah, Khangtangthu Masa 9:26; Khangtangthu Nihna 31:11, 12; leh Nehemiah 10:37, 38 te ah en leng, saal pen biakinn, sumkholna biakinn cih teltakin kithei hi.

8. Sehsuah ih piak ciang, angah tatak kua hiam?

8. Sehsuah ih piak ciang, angah tatak kua hiam?


Kolose 3:23. Mite' nasem bangin kingaihsun loin, Pasian' nasem bangin kingaihsun un la, na sep peuhpeuh uh lungsim takpi tawh lawpin sem un.

Hebru 7:8. Siampite' lakna tawh kisai-in ahih leh a sithei mi mah ahi siampite in mite tung panin sawmah khat a la uh hi. Ahi __________ Melkhizedek' lakna tawh kisai-in ahih leh Lai Siangtho in a gen mah bangin a nungta tawntung mipa in sawmah khat a la ahi hi.

Dawnna:  ____________________

Phawk Ding:

  Sehsuah ih piak ciangin mi tungah pia hilo a, Pasian tungah pia ih hih lam a tawntungin ih phawk ding kisam hi. Ama neihsa hi. Pasian tungah pia ih hih nak leh kibangci zat cih lunghimawh ding hilo hi. Pasian in Ama neihsa sumte a kem zo dingin kicing a, Ama sumte zek dinga kilawm lo, azek kha aom leh zong a kua cih omlo, a uk zo dingin Topa muanhuai hi.

9. Ama neihsa, ka sehsuah te banah Pasian in A mite tungah A nget lai bang om hiam?

9. Ama neihsa, ka sehsuah te banah Pasian in A mite tungah A nget lai bang om hiam?


Psalms 96:8. Ama min in a ngah dingin a kilawm minthan'na Topa' tungah pia un la, __________ hong kengin ama huangsungah hong pai un.

Malakhi 3:8. Keimah in note kong dotnop thu pen, mi khatpeuh in Pasian' na guksak ding kilawm ahi hiam? Kilawmlo hinapi-in note in nong guksak uh hi. Ahi zongin note in, ‘Bang hong guksak ka hi uh hiam?’ na ci uh hi. Sawmah khat piakna leh __________te-ah nong guksak uh hi.

Dawnna:  ____________________

Phawk Ding:

  Topa in, Amah ih itna leh Ama hong piak thupha hanga lungdam kohna lahna iin, phaltak-a piakkhiatna te eite tungah hong ngen hi

10. Sumpi bangzah khia ding ih hi hiam?

10. Sumpi bangzah khia ding ih hi hiam?


Korin Nihna 9:7. Pasian in piaknopna lungsim tawh a pia mite bek deih ahih manin, a kuamah peuh in na lungsim sung uhah na ngaihsutsa zah ciat uh na pia un la, pia __________ leh sawlzawh thu bek tawh na pia kei un.

Dawnna:  ____________________

Phawk Ding:

  Laisiangtho in ciangtan lian neilo hi. Mimal kim in citpiakna bangzah pia ding ka hiam cih Pasian tawsawnna tungtawna, a khensat ding ahi hi.

11. Pasian gam luah ding ih kilamet leh ih zawh ding akul Adam leh Eve lelh kisitna (test) in bang hiam?

11. Pasian gam luah ding ih kilamet leh ih zawh ding akul Adam leh Eve lelh kisitna (test) in bang hiam?


Piancilna 3:3. __________ hangin Pasian in, ‘Huan laizanga om singgah na ne kei ding uh hi, zong na lawng kei ding uh hi. Tua bang hih le-uhcin na si ding uh hi,’ hong ci hi,” a ci hi.

Dawnna:  ____________________

Phawk Ding:

  Pasian in Adam leh Eve kiangah huan sunga singgah teng khempeuh lakah sia leh pha theihna kung khatbek sim loh ne thei dingin gen hi. Tua singgah pen nekloh ding or zong lawn loh ding hi, tua bang hi kei leh na si ding uh hi. Tua singkung pen a ut uh leh lawnga neek thei dingin om hi Pasian in sikdai khunglo hi. Amaute in Pasian muanglo uh ahih manin la in ne uh hi. Tuni-in nang leh kei zong tua banglian-in hong kisit hi, “Na ngah teng khempeuh lak pan sawmahkhat longal avekpi-in nang ading hi, ahih hangin sawmahkhat pen Kei aa hi. Hong zat sak kei un” hong ci hi. Ahih hangin ih ut leh zat sak theih veve dingin ih kiangah hong koih hi.

Ahih hangin ih zat khak leh Adam leh Eve banglian-a gamta ih hi hi. Pasian tungah citak maw cih kisitna hi-a singgah tektek kisamlo hi. Pasian in sawmahkhat adeih hi lo a, eite’ itna, cihtakna, leh muanna te hong kisitna ahi hi. Na khempeuh Pasian aa hi.

12. Sehsuah leh sumpi Pasian ih piak nop kei leh bang thukham a palsat ih hi ding hiam?

12. Sehsuah leh sumpi Pasian ih piak nop kei leh bang thukham a palsat ih hi ding hiam?


Paikhiatna 20:15. Na na gu kei ding uh hi.

Malakhi 3:8. Keimah in note kong dotnop thu pen, mi khatpeuh in Pasian' na guksak ding kilawm ahi hiam? Kilawmlo hinapi-in note in nong guksak uh hi. Ahi __________ note in, ‘Bang hong guksak ka hi uh hiam?’ na ci uh hi. Sawmah khat piakna leh biakpiaknate-ah nong guksak uh hi.

Dawnna:  ____________________

Phawk Ding:

  Thei napi a sumpi leh sehsuah piak acitak lo te Pasian in guta ci hi. Mi khat in midang khat neihsa a guuksak hoih kisa hetlo napi, Pasian neihsa a guuksak ngam te bangzah iin lipkhap huai hiam! Kha ma-angtha’ng te kiang lungdamna thu puakna dinga Pasian in agel sum te gu dinga kipan ngam cih pen a ngaihsut hak mahmah thu khat ahi hi.

13. Thei napi a, Pasian’ sehsuah leh sumpi te aguuk sak te tungah Pasian in bang piang ding hi ci hiam?

13. Thei napi a, Pasian’ sehsuah leh sumpi te aguuk sak te tungah Pasian in bang piang ding hi ci hiam?


Malachi 3:9. Na minam bupun keima neihsa hong guksak na hih manun note khempeuh tungah samsiatna hong tung hi.

Korin Masa 6:10. a gutate, a huaihamte, __________, mi gensiate, ahih kei leh mi' na a sutte khat beek, Pasian' Ukna sungah lutthei hetlo ding hi.

Dawnna:  ____________________

Phawk Ding:

  Sehsuah leh sumpi piak a citak lo te akikhel kei uh leh samsiatna ngah ding te ahi uh hi. Guta te mah bangin Pasian’ kumpi gam kong kikhaksan ding hi.

14. Bang hangin deihgawhna lauhuai mahmah hiam?

14. Bang hangin deihgawhna lauhuai mahmah hiam?


Luka 12:34. Bang hang hiam cih leh na sum uh a __________ munah na lungsim uh om tawntung ding hi,” a ci hi.

Dawnna:  ____________________

Phawk Ding:

  Deihgawhna in sihna piang sak hi ahangin ih sumkholna ih lungsim in zui hi. Ka bulphuh in sum leh paai neih beh ding bebek ahih leh ka lungsim akiphasak, aiksiik, ahuaiham suak hi. Ahihhang ka bulphuh in Pasian’ gam ta’angzai nading ahih leh ka lungsim akiniamkhiat, athukhual, itna nei, leh mi hehpih a suak hi. Ih neih ih lamh ah ih lungsim om tawntung hi. Judas huaiham iin sum adeih luatna hangin dangka 30 tawh Zeisu na lehhek ahihlam ih mangngilh hetloh ding ahi hi (Matthew 26:14-16).

15. Pasian’ Sehsuah leh sumpi te ih guuksak ciang Zeisu in bangcisa iin ih um hiam

15. Pasian’ Sehsuah leh sumpi te ih guuksak ciang Zeisu in bangcisa iin ih um hiam


Hebru 3:10. Tua ahih manin __________ tungah ka heh a, ‘__________ citaklo niloh uh a, ka thukhamte zui nuamlo uh hi,’ ka ci hi.

Dawnna:  ____________________

Phawk Ding:

  Ta in a pa sumbawm sunga sum aguuk sak ciangin a pa in na asak mah bangin Zeisu in zong nasa mahmah kha ding hi. A sum ma-ang pen na asa himasa lo-in a ta gitnat lohna, itna aneih lohna, amuan lohna hangin a pa in na asa mahmah ahi zaw hi. Eite khatbeek in ih Honpa lungtang ih nasak nuam het kei hi.

16. Piakkhiatna tawh kisai Pasian in Laisiangtho sungah adang bang na gen lai hiam?

16. Piakkhiatna tawh kisai Pasian in Laisiangtho sungah adang bang na gen lai hiam?


Korin Nihna 8:5. Hih bangin a gamtatna uh kote' lamet sangin sangzaw pek hi. Amaute pen Topa tungah kipia masa uh a, tua ciangin Pasian' deihna bangin kote tungah zong a hong kipia uh ahi hi.

Paunak 3:9. Na neihsa leh na anpalte tawh Topa zahtak in.

Paunak 11:24, 25. Mi pawlkhat in sum zang ziahziah napi-in hau semsem uh a, mi pawlkhat cil mahmah napi, zawng semsem hi. 25A cingh mite hau semsem ding a, midang a huhte in huhna mah ngahkik ding hi.

Acts 20:35. Topa Jesuh mahmah in, ‘Ngahna sangin piak khiatna-ah lungdamna lianzaw hi,’ a cihna phawkkawmin nakpi takin nasepna tawh na khempeuhah a __________ huh ding hi hang, ci-in note kiangah kong lak khinzo hi,” ci-in a vaikhak hi.

Luka 12:21. Tua ciangin Jesuh in a thugen a khupna-in, “Tua mah bangin amau-a' ding bekin a kholcipte pen Pasian' muhna panin mihau hilo uh hi,” a ci hi.

Luka 6:38. Midangte tungah pia un. Tua hi leh Pasian in note tungah zong hong pia ding hi. Bang hang hiam cih leh midangte na piakna uh tawh kizui-in a henhen, a tahtah, a dimletin Pasian in note tungah hong pia ding hi,” a ci hi.

Korin Masa 16:2. Kei ka hong pai ciangin sumpi kaihkhop tawm a omlohna dingin na ngahna uh tawh kizui-in Nipi simin na tuamkoih un la, na na khol un.

Thu Hilhkikna 16:16-17. “Amah in a teelna mun, Topa na Pasian uh mai-ah pasal khempeuh kum khatin thumvei, silngo sawhloh anlum pawi, nipikal pawi, leh buk pawi-ah kilaak ding uh hi. Amaute khut hawmguakin Topa' mai-ah kilaklo ding uh hi. Topa na Pasian un note thupha hong piaknasa tawh kizui-in mi khempeuh in ama hih theih bang ciatin pia ding uh hi.

Dawnna:  ____________________

Phawk Ding:

  Pasian thupha kihel lo sawmah sawm sangin, Pasian thupha kihel sawmah kua in manpha zawpek ding hi. Pasian in vantung kongvangte hongin thupha hong piak ciangin sum bek hong hiden lo ding hi. Cidamna, lungnopna, ih ngetna te hong dawnna, lungmuanna, innkuan ki-itna, thahatna, khentat siamna, Zeisu tawh lamton khop semsemna, kha tampi ngahna, atull mawtaw sawtpi zat theihna, cih atuamtuam te zong hong kihel ding hi. Zeisu a it takpi hi leng, Ama nasepna dinga kipiakkhiatnate vangik hi ngeilo ding hi. Tua sangsikin, thupha hong hizaw dinga lungdam kipakna lianpi leh lungkimna tatak hong suak zaw ding hi.

17. Jacob in a ma-anga amuh kahlei in kua limciing hiam?

17. Jacob in a ma-anga amuh kahlei in kua limciing hiam?


Johan 1:51. Tua ciangin Jesuh in, “Ke'n a mantak kong genin-ah, vantung a kihong na mu ding uh a, __________ Tapa leh vantung kikalah Pasian' vantung mite a kumsuk a kahto na mu ding uh hi,” a ci hi.

Dawnna:  ____________________

Phawk Ding:

  Jacob in vantung pan leitungah akidawh suk kahlei khat mu a, tua in mihing Tapa limciing ahi hi. Malachi 3:10 sungah, Pasian in, “Na sehsuah khempeuh uh ka saal sungah nong puak uh leh vantung kongvangte hongin thupha tampi kongpia ding hi,” ci hi. Tua thupha in Zeisu hi.


18. Zeisu ih piak theih alian penpen in bang hiam?


Paunak 23:26. Ka ta aw, ka thugente ciamteh in la, keima gamtat bangin nang zong gamta in.

Marka 7:6. Jesuh in amaute dawng a, “A __________ a hoihin a kilangkhem note' thu, Isaiah in a genkholhna man mahmah hi. Ama genna-ah, ‘Pasian in hih bangin gen hi: Hih mite in a kampi bek uh tawh kei hong zahtakbawl uh a, a lungsim taktak uh kei tawh kigamla hi.

Dawnna:  ____________________

Phawk Ding:

  Zeisu in ih lungsim aneih ciangin, ih na dang khempeuh zong a nei hi.


19. Sehsuah leh sumpi te citak tak a ih piak ciangin, ih nuntaakna sunga ih sepna khempeuh ah Zeisu in ei tawh hong kipawl a suak hi. Zeisu na pawl dingin sehsuah leh sumpi te Pasian kiang apna tawh na zawn nuam hiam?




Dawnna:  ____________________

Name:

Email:

Prayer Request:


Share a Prayer Request
Name:

Email:

Bible Question:


Ask a Bible Question


Back To Top